Turkiga ayaa wadahadalo kula jira seddex wadan iyagoo doonaya inay Soomaaliya ka caawiyaan horumarinta hawada sare , sida uu sheegay madaxa wakaaladda hawada sare.
Serdar Huseyin Yildirim, ayaa hadalkaan ka sheegay isagoo ka qeyb galayay shirka caalamiga ah ee sahaminta hawada, in kasta oo uusan sheegin waddammada ku lugta leh arrintan.
Bishii Febraayo ee sanadkan dowladda Turkiga ayaa sheegtay in ay ka fikireyso in ay Soomaaliya ka dhisto goob loogu talagalay dayax gacmeedka taasoo qayb ka ah qorshe $ 1bn ah oo lagu horumarinayo barnaamijka sahaminta hawada.
Sida laga soo xigtay Recep Tayyip Erdogan, madaxweynaha Turkiga, waxaa qorshahan loogu talagalay in la fuliyo sanadka 2023, iyadoo Turkiga u oggolaanaysa inuu khibrad u yeesho sanadka 2028 helitaanka tijaabooyin cilmiyaysan iyo gaaris sahamin.
Turkiga ayaa bilaabay hay’addiisa hawada sare bishii Diseembar 2018. Sannadkii 2020, waxay ku dhawaaqday tijaabinta gantaal uu soo saaray qandaraaslaha difaaca ee Roketsan.
Waxa kale oo ay qorshaynaysaa inay u dirto cirbixiyeen Turki ah Saldhigga Caalamiga ah ee Cirka, oo ay bilawdo dayax-gacmeedyo si ay u dejiso nidaam u gaar ah nidaamkeeda meeleynta caalamiga ah.