Baarlamaanka dalka Koonfur Afrika ee ku yaalla magaalada Capetown waxaa la sheegayaa inuu ka kacay dab xooggan.
Dabka oo ka kacay dabaqa seddexaad ee dhismaha baarlamaanka ayaan weli la sheegin dabka waxa uu ka kacay.
Muuqaallo baraha bulshada lagu baahiyeyna waxaa laga dheehanayaa qiiq cirka isku shareeray oo dhismaha baarlamaanka ka baxaya.
Dabkan baarlamaanka Koonfur Afrika ka kacay ayaa ku soo beegmaya saacada un kaddib markii kaniisadda Cathedral ee aan dhismaha baarlamanka ka fogeyn lagu aasay Desmond Tutu.
