Guddiga doorashooyinka heer Federaal ayaa weli Magaalada Caasimadda ah ee Muqdisho ka wada bixinta shahaadada Xildhibaanimo oo ay siinayaan Xildhibaanada labada Aqal ee Baarlamaanka 11-aad ee dowladda Federaalka Soomaaliya.
Guddiga doorashada ayaa Maanta oo sabti ah shahaadada Xildhibaanimo siiyay 5Xildhibaan, iyagoona Guddiga sidoo kalena shahaado siinaya Xildhibaano kale oo saacadaha soo socda tegaya Xarunta Guddiga.
Xildhibaanada labada Aqal ee Baarlamaanka 11-aad ee dowladda Federaalka ee ku maqnaa dalka dibaddiisa iyo qaar kamid ah Gobolada dalka ayaa soo gaaraya Magaalada Muqdisho, kuwaa oo qaadanaya shahaadada Xildhibaanimo.
Xildhibaanada Koonfur Galbeed lagu soo doortay ayaa weli diidan in ay qaataan shahaadada Xildhibaanimo, waxaana qaatay oo kaliya saddex Xildhibaan oo uu ku jiro Guddoomiyihii hore ee Baarlamaanka Sheekh Aadan Madoobe.
Hoos ka Akhriso Xildhibaanada qaatay shahaadada.
1-Farhan Ali Mohamoud AS#10
2-Abdirisaq Mohamed Osman AS#03
3-Zahra Abdulahe Igal (Bundubte) GSH#094
4-Ali Haji Adam Abukar GSH#039
5-Abdirahman Abdulkadir Ade GSH#105
