Waxaa weli ka socota Xarunta Teendhada Afisiyooni ee Magaalada muqdisho doorashada Gudoomiyae kuxigeenka 1aad ee Golaha Aqalka Sare ee Baarlamaanka 11aad, waxaana ku tartamaya ilaa laba musharax oo kala ah Senoter Cabdixakiin Macalin Axmed & Senoter Cali Shacbaan Ibraahim.
Guddoonka KMG ah ee Golaha Aqalka Sare ayaa sheegay in labada musharrax ay kala heleen codad gaaraya min 27 27 hal codna uu halaabay sidaas daradeedna loo baahday wareeg labaad si labada Musharrax ay u kala haraan, isla markaana mid kamid ah labada musharrax uu ku guuleysto guddoomiye kuxigeenka 1aad ee Golaha Aqalka Sare.
Xoogaa nasasho ayaa loo diray Xildhibaannada Golaha Aqalka Sare, waxaana la filayaa in goordhow la isku soo laabto, isla markaana la guda galo wareega labaad ee doorashada guddoomiye kuxigeenka 1aad ee Aqalka Sare.
