Madaxweynaha Hirshabeelle Cali Guudlaawe Xuseen ayaa Magaalada Muqdisho kula kulmay Xildhibaanada labada aqal ee Baarlamaamka JFS ee deegaan doorashadoodu tahay Hirshabeelle.
Kulankaan waxaa kasoo galay Madaxweyne Ku xigeenka Hirshabeelle Yuusuf Axmed Hagar, Guddoomiye xu xigeenka 1aad ee Golaha Aqalka Sare Cali Shacbaan Ibraahim iyo Xildhibaanada Labada aqal ee Baarlamaanka Federaalka Soomaaliya iyadoo la iska xog wareystay xaalada guud ee dalka iyo arrimaha doorashooyinka oo maraya heer gabo gabo ah.
Madaxweynaha ayaa Xildhibaanada labada aqal kula dardaarmay inay wadajir noqdaan oo ay ka shaqeeyaan danaha iyo horumarka deegaanada Hirshabeelle.
Dhinaca kale Madaxweynaha Jubbaland Axmed Maxamed Islaam ayaa Muqdisho kulan kulan kula qaatay Xildhibaanada deegaan doorashadoodu ay tahay Jubaland ee ku jira labada Aqal ee Baarlamaanka JFS.
Kulankan oo ahaa Mid wadajir ah waxaan diirada lagu saaray xaalada dalka iyo sidii xildhibaanada kasoo baxay Jubaland ay uga qeyb qaadan lahayeen jihaynta doorashooyinka gaba gabada maraya.
