Wariye ka tirsan Aljazeera ayaa lagu dilay rasaas ay ciidamada Israaโiil ku fureen maanta oo Arbaca ah dhulka la haysto ee Daanta Galbeed, sida uu sheegay Telefishinka laga leeyahay Qadar, balse militariga ayaa sheegay in laga yaabo in ay toogteen dad Falastiiniyin ah oo ay isku dhaceen ciidankeeda.
Mid ka mid ah saraakiisha Falastiiniyiinta ayaa sheegay in Shireen Abu Akleh ay โdileenโ ciidamada Israaโiil xilli ay ka warbixineysay weerar ka dhacay magaalada Jenin, oo todobaadyadii lasoo dhaafay ay kordheen weerarada ay ciidamadu geysanayaan.
Wasaaradda caafimaadka Falastiin ayaa xaqiijisay geerida Abu Akleh, waxayna sidoo kale sheegtay in weriye labaad oo lagu magacaabo Ali Samodi isna la dhaawacay.
War qoraal ah oo uu soo saaray militariga Israaโiil ayaa lagu sheegay in ciidamadooda ay rasaas ku fureen kadib markii ay โrasaas xoog lehโ kala kulmeen Jenin, waxayna intaas ku dareen โinay ay suurta gal tahay, in suxufiyaddan ay ku dhimatay rasaas ay soo fureen falastiiniyiintuโ, laakiin hadda uu socdo baaritaanka dhacdan.
