Tan ilaa sanadkii 2016 gobolada dalka soomaaliya gaar ahaan degaanada koonfur galbeed waxaa soo gaaraya qoxootigii ku noolaa dalka Kenya kuwaasi oo markii hore ay ka raadsadeen si ay u halaan nolashii ay ku heysteen dalka soomaaliya.
Qoxootigaan ku soo laabanaya dalka soomaaliya ayaa badankooda waxey carruur ay ku soo dhaleen dalkaasi iyadoo halkaasi ay ku heysteen waxyaabaha aas aaska u ah nolasha.
Madiino Cabdi Noor iyo Geedii Saciid Cusmaan waxey ka mid yihiin qoysaskii 2016 soo gaarey dalka soomaaliya gaar ahaan Degmada Baydhabo, waxeyna heystaan carruur badan oo ay halkaasi ku soo dhaleen.
Geediyo iyo Madiino waxey sheegeen madaama ay dalkooda ku soo laabteen hadana in ay heysanin nolal fiican oo ay ugu horeyaan Rashiin, caafimaad, hoy iyo waxbarashada Carruurtooda.
Marka hore waxey ka hadleen nolasha ay ku heystaan Degmada Baydhabo, waxeyna sidaasi oo kale dowlad goboleedka kg iyo hay’adda UNHCR ka codsadeen in ay u sameyaan caawinaad.
