Baydhabo-{WMN}- Wararka laga helayo magaalada Caabudwaaq ayaa sheegaya Wafdiga Gudoomiyaha Maxkamadda Ciidamada Qalabka Sida oo ka amba baxay Magaalada Muqdisho lagu soo dhaweeyay Magaalada Caabudwaaq ee gobolka Galgaduud.
Wararka ayaa sheegaya in wafdiga Gudoomiyaha ay Magaalada Caabudwaaq u taggeen, sidii ay u dhageysan lahaayen rag ku xiran xabsiyada magaaladaasi, oo eedeymo kala duwan loo haysto.
Gudoomiyaha Maxkamadda Ciidamada Qalabka Sida ayaa waxaa lagu wadaa in dhageysiga ka dib uu sharciga ku qaado xubnaha ku xiran xabsiyada Caabudwaaq.
Ciidanka Booliska Caabudwaaq ayaa gacanta ku haaya nin loo heysto in uu dilay taliye ku xigeenkii Ciidanka NISA ee Galmudug iyo Gabadh la dhalatay, waxaana lagu waddaa in la bilaabo dhageysiga kiiskiisa.
Korneyl Shuute oo horey u tagey Magaalooyinka Dalka qaarkood ayaa xukuno kala duwan ku riday xubno ka tirsanaa Shabaab iyo kuwa geystay dilal.
