Baydhabo-{WMN}-Guddoomiyaha Golaha Shacabka JFS Sheekh Aadan Maxamed Nuur Madoobe ayaa waxaa uu tacsi tiiraanyo leh u diray qoyska ehelka iyo Qaraabadii uu ka baxay Allah ha u Naxriistee Wasiirkii Cadaalada maamulka Koonfur Galbeed marxuum Sheekh Xasan Ibraahim (Lugbuur) oo lagu dilay Qarax ka dhacay Magaalasa Baydhabo.
โWaxaan murugada iyo xanuunka la qaybsanayaa dhammaan Ummadda Soomaaliyeed, gaar ahaan shacabka Koonfur Galbeed geerida ku timid Alle ha u naxariistee Wasiirka Garsoorka iyo Cadaaladda KGS Sheekh Xasan Ibraahim Lugbuur.
Sidoo kale Guddoomiye Aadan Madoobe ayaa Marxuum Xasan Ibraahim iyo dadka kale ee shacabka ah ee ku dhintay qaraxa uu Alle uga baryey inuu u naxariisto, sidoo kalena dadka dhaawacmay uu Alle Caafimaad siiyo
Ugu dambeyn Guddoomiyaha Golaha Shacabka Baarlamaanka Federaalka ayaa shacabka Soomaaliyeed u sheegay in xooga la saaro sidii la isaga xorreyn lahaa Al-shabaab, waa sida uu hadalka u dhigay.
