Dokumentiyo sir ah oo laga helay guriga Madaxweynihii hore Trump written by Warsan Radio 13/08/2022 Hay’adda FBI-da Maraykanka ayaa ka heshay guriga madaxweynihii hore ee Donald Trump, dokumentiyo lagu calaamadiyey inay yihiin “Sir Qaran” oo loo ogol yahay inay arki karaan oo keliya dad koobani, sida ku xusan qoraalkii ogolaanshaha ahaa ee lagu baadhay guriga madaxweynihii hore oo uu baahiyey garsoorihii amarkaas saxeexay.Qoraalka ka soo baxay maxkamadda ayaa muujinaya in saraakiisha FBI-du inay ka soo heleen guriga madaxweyne Trump, illaa 11 diiwaan oo ah macluumaad sir ah oo aan loo ogolayn inay dad koobani arki karaan, sida ku cad waraaqda diiwaanka ee ay maxkamadda u gudbiyeen saraakiisha FBI-du ka dib markii ay baadhista dhameeyeen.Saraakiisha FBI-da ayaa marka hore waxay maxkamadda ka codsadaan ogolaansho ah, inay baadhis samayn karaan, ka dib marka ay baadhista sameeyaanna waxay maxkamadda la wadaagaan macluumaadkii ay ka soo qaadeen goobta ay baadheen, si ay u caddeeyaan wixii ay ka heleen goobta baadhista.Diiwaanada sirta ah ee laga helay guriga madaxweynihii hore ee Trump ayay ku jiraan, kuwo ku diiwaangashan inay yihiin “sir” iyo kuwo ku calaamadsan inay yihiin “Sir Qaran” ama “Top Secret”. Maxkamaddu ma bixinin faahfaahin intaas ka badan oo la xidhiidha nooca macluumaadka ku jira diiwaanka sirta ah ee laga soo qaaday guriga madaxweynaha hore.Madaxweyne Trump oo bayaan soo saaray Jimcihii maanta ayaa sheegay in dhammaan macluumaadka laga qaatay gurigiisa inay ahaayeen kuwo laga saaray sir ahaanshaha “Declasiffied” oo la shaacin karo, wuxuuna sheegay inuu dukumentiyada u wareejin lahaa Waaxda Caddaaladda haddii la weydiiyo.Madaxweynaha xilka haya oo keliya ayaa awood u leh inuu go’aan ka gaadho in la faafin karo macluumaad marka hore lagu calaamadiyey inay sir yihiin, hase ahaatee madaxweynuhu marka uu xilka ka dego awoodaas malaha. Dokumentiyo sir ah oo laga helay guriga Madaxweynihii hore Trump was last modified: August 13th, 2022 by Warsan Radio 0 comment 0 Facebook Twitter Google + Pinterest previous post CXDS oo sheegay degaano ku yaalla Hiiraan in ay kala wareegeen Shabaab next post Dowladda Imaraadka Carabta oo gargaar ku taageeri doonta 2.5 milyan oo qof You may also like Dowladda Soomaaliya & Maamulka Koonfur Galbeed oo ka hadlay dilka guddoomiyihii degmada marka 27/07/2022 Golaha Siyaasiyiinta Somaliland oo ka horyimid Habraaca Doorashada Aqalka Hoose 24/08/2021 Xuska 1-da Luulyo oo lagu qabtay Muqdisho iyo qaar ka mid ah gobollada dalka 01/07/2022 Madaxweyne Xasan Sheekh oo hambalyo u diray dowladda & Shacabka Jabuuti 27/06/2022 Dhageyso:-Warka Subx ee Idaacada Warsan 02/01/2023 Diyaarad nooca xamuulka oo ku burburtay Doolow 04/11/2021 Dhageyso;- Barnaamijka Arimaha Caalamka 07/02/2022 DHAGEYSO: Warka Galab ee Idaacada Warsan 21/03/2020 RW Xamse oo ka qayb-galay Munaasabad loogu mahadceninayay Xildhibaano 02/04/2024 Golaha Ammaanka QM Oo Kulan Xasaasi Ah Ka Yeelanaya Warbixin Laga Gudbiyay Soomaaliya 15/10/2020 Fariintada Nogu soo dir E-mail Adres warsanradiobidoa@gmail.com warsannews@yahoo.com Leave a Comment Cancel Reply Save my name, email, and website in this browser for the next time I comment.