Ra’iisal Wasaaraha Xukuumadda Federaalka ah ee Soomaaliya Xamse Cabdi Barre & Wafdi uu hoggaaminayo ayaa maanta gaarey magaalada Baledweyne ee xarunta gobolka Hiiraan oo si weyn loogusoo dhaweeyey.
Ra’iisal Wasaare Xamse Cabdi Barre ayaa waxaa si weyn Garoonka Ugaas Khaliif ee magaalada Beledweyne ugu soo dhaweeyay Madaxweynaha Dowlad goboleedka Hirshabeelle Cali Guudlaawe Xusee, kuxigeenkiisa, qeybaha kala duwan ee bulshada masuuliyiin ka tirsan Dowlada federaalka iyo saraakiil ciidan
Safarkaan oo ah kii ugu horeeyay ee Ra’iisal wasaaraha ku baxayo tan iyo markii xilka loo magacaabay ayaa ujeedkiisa waxaa uu yahay, sidii loo xoojin lahaa dagaalka ka dhanka ah Al-Shabaab oo deeegaano badan oo gobolka Hiiraan ka socda.
Sidoo kale Ra’iisal wasaaraha ayaa xoojin doona ka warqabka xaalada nololeed ee bulshada ku nool gobolka Hiiraan, oo ay aabaarta saameysay, iyada oo Xukuumada sheegtay in ay xoogga saareyso sidii gurmad loo gaarsiin lahaa dadka Soomaaliyeed ee abaaraha ay saameeyeen.
Ujeedka safarka Ra’iisul Wasaaraha Xukuumadda Federaalka Soomaaliya Xamse Cabdi Barre ee Baladweyne ayaa lagu sheegay in uu yahay u kuurgelida xaaladda dadka kunool magaalada Beledweyne iyo degaannada hoostaga iyo sidii loo dardar gelin lahaa howlgallada ka dhanka ah Al-Shabaab oo Ciidamada dowladda ka wadaan degaano katirsan Gobolka Hiiraan.
Socodaalka Baladweyne uu ku tagayo Wasiirka koowaad ee Xukuumadda Soomaaliya Xamse Cabdi Barre ayaa ka dhigan in safarkiisii ugu horreeyay ku tagaya Magaalada Beledweyne tan iyo magacaabistiisa 25 Juun 2022-ka.
inta badan wadooyinka magaalada Baladweyne ayaa maanta xeran waxaana lagu arkayaa Ciidamadda dowladda oo dadka shacabka ah iyo gaadiidka u diidaya in ay isticmaalaan.
Wadoyinka xeran ayaa u sabab ah safar Ra’isul wasaaraha soomaalia Xamse Cabdi bare uu maanta kusoo gaari doono magaalaa Baladweyne ee xarunta gobalka Hiiraan.
W/D: Bashiir Abdulahi Osmaan
Baladweyne.soomaaliya
