Baydhabo-{WMN}- Mikhail Gorbachev, oo soo afjaray dagaalkii qaboobaa ee aan dhiig ku daadan, balse ku guul-darraystay in uu ka hortago burburkii Midowgii Sofiyeeti ayaa dhintay Talaadadii isaga oo 91 jir ah, sida ay sheegeen saraakiisha isbitaalka Moscow.
Gorbachev, oo ahaa madaxweynihii ugu dambeeyay ee Soofiyeedka, wuxuu sameeyay heshiisyo dhimis hubka ah oo uu la galay Mareykanka iyo iskaashi uu la sameeyay quwadaha reer galbeedka, si meesha looga saaro caqabadaha adag ee siyaasadeed, militari iyo fikir ee kala qeybiyay Yurub tan iyo dagaalkii labaad ee Adduunka, loona keeno dib u midoobidda Jarmalka.
“Mikhail Gorbachev wuxuu Geeriyoday xalay kadib xanuun halis ah oo daba dheeraaday” ayaa lagu yiri bayaan ka soo baxay cisbitaalka dhexe ee Russia.
Afhayeenka dowladda Ruushka Dmitry Peskov ayaa u sheegay wakaaladda wararka ee Interfax ee Ruushka in Putin uu muujiyay sida uu uga xun yahay geeridiisa.
Kadib tobanaan sano oo xiisad dagaal qabow iyo iska hor imaad ah, Gorbachev wuxuu Midowga Soofiyeeti u soo dhawaaday Galbeedka marka loo eego marxalad kasta tan iyo Dagaalkii Labaad ee Adduunka.
Putin ayaa sheegay 2018-kii inuu wax ka bedeli doono burburkii Midowga Soofiyeeti haddii uu awoodo, sida ay wakaaladaha wararka xiligaas sheegeen.
