Baydhabo-{WMN}- Madaxweynaha Xafiiska ka tagaya ee Kenya Uhuru Kenyatta oo laga guuleystay musharrixii uu garabka siinayay ee Raila Odinga ayaa ugu dambeyn heysan waayay bogaadinta William Ruto oo guul ka gaaray Natiijada Doorashada & go’aanka Maxkamadda sare ee Dalkaas.
Uhuru Kenyatta ayaa telefoon kula hadlay William Ruto oo ku xigeenkiisa ahaa muddadii uu xafiiska ugu sarreeya dalkaas hayay balse kala aragti duwanaanta siyaasadda ku kala tagay bilihii u dambeeyay ee waqtiga doorashada.
Kenyatta oo Dhammeystay labada jeer ee Dastuurka Kenya u ogol yahay in uu qofka Madaxweyne ka noqon karo Dalkaas ayaa dhammeystay waxa uu taageero siyaasadeed iyo maskax isugu daray Raila Odinga si uu garab ugu muujiyo Raila Odonga.
Madaxweynaha sugaya in uu Xafiiska la wareego ee William Ruto ayaa bartiisa Twitterka kusoo qoray in Uhuru Kenyatta uu telefoon kasoo wacay si uu u bogaadiyo maadaama u hambalyeyntiisa uu ka gambanayay kahor inta aysan Maxkamadda sare go’aan gaarin.
“Waxa aan wadahadal taleefoonka ah la yeeshay Madaxweyne Uhuru Kenyatta oo aan kawada hadalnay Doorashooyinka guud ee dhawaan lasoo gabagabeeyay iyo marxaladda kala guurka sida ku cad dhaqankeena dimoqraadiga ah” ayuu yiri Madaxweynaha sugaya in uu xilka la wareego ee William Ruto.
https://twitter.com/WilliamsRuto
Madaxweynaha Xafiiska baneenaya ee Uhuru Kenyatta ayaa maalin kahor mar uu la hadlay Shacabkiisa afkiisa ka ilaaliyay in uu marnaba soo dhaafo Magaca Madaxweynaha cusub ee baddelaya William Ruto, taasi waxa ay dhalisay falcelin kale.
Ugu dambeyn Uhuru Kenyatta oo u muuqda in uu dhinac isaga leexinayo falcelintaas waxa uu maanta telefoon kala hadlay William Ruto si uu ugu hambalyeeyo xilka Madaxweynaha uu ku guuleystay si uu u hoggaamiyo Dowladda wixii ka dambeeya 13ka September 2022 oo u marayo dhaarta Dastuuriga ah.
