Baydhabo-{WMN}- Ruushka ayaa Weerarro ka geystay bariga Ukraine wararka ayaa sheegaya in weerarkan ay ku dhinteen shan qof oo ay ku jiraan Haween iyo Caruur.
Weeraradan ayaa waxa ku dhaawacmay 10 qof oo kale, sida uu sheegay sarkaal maxalli ah, Oleh Syniehubov, oo ah madaxa maamulka militariga ee gobolka Kharkiv, ayaa sheegay in ciidamada Ruushka ay weeraro gantaallo ah ku qaadeen bartamaha magaalada Kharkiv xilli habeen ah.
Dhanka kale, maamul goboleedka Donetsk ayaa bayaan uu soo saaray ku sheegay in weerarro isla Ruushku geystay ee gobolka ay ku dhinteen sagaal qof iyo 23 dhaawac ah.
Dhanka Ukraine War qoraal ah oo uu soo saaray taliska guud ee Ukraine ayaa lagu sheegay in 51,900 oo askari oo Ruush ah ay naftooda ku waayeen tan iyo markii uu dagaalka bilowday.
