Waxaa maanta Magaalada Magaalada Muqdisho lagu soo gabagabeeyay shirka Golaha Wadatashiga Qaranka oo uu shir guddoominayay Madaxweynaha Jamhuuriyadda Federaalka Soomaaliya Xasan Sheekh Maxamuud.
Shirka oo socday laba maalmood ayaa waxaa ka soo qeyb galay Madaxweynaha JFS, Ra’iisul Wasaaraha XFS Xamsa Cabdi Barre, Madaxweynayaasha Dowlad Goboleedyada Jubbaland Axmed Maxamed Islaam, Koonfur Galbeed Cabdicasiis Xasan Maxamed (Lafta-gareen), Galmudug Axmed Cabdi Kaariye, Hiirshabeelle Cali Guudlaawe Xuseen iyo Puntland Saciid Cabdullaahi Deni oo uga qeyb galay aaladda Fogaan aragga ee Zoom.
Inta uu socday Shirka ayaa waxaa diiradda lagu saaray Arrimaha amniga, xoojinta howlgalada ka dhanka ah Al-Shabaab iyo u gurmashada dadka ay saameysay abaaraha ka jira ka jira dalka.
Gunaanadka shirka ayaa waxaa si wada jir uga wada soo saareyn Madaxda Golaha Wadatashiga Qaranka Warmurtiyeed ka kooban todobo qodob, oo ay isku afgarteen Madaxda, waaxaa ka mid ahaa sidii loo bad baadin lahaa dadka ay Abaartu saameysay kuwaas oo ku nool deegannada Dalka.
Golaha ayaa faray dhammaan Hay’adaha ku howlan gurmadka Abaaraha in ay mideeyaan dadaallada ku wajahan, yareynta Abaaraha. Iyaga oo ugu Baaqay Shacabka Soomaaliyeed in ay si buuxda is kugu gurmadaan, halka Beesha Caalamka ay ka codsadeyn in ay laba jibaaraan dadaallada ay ugu jiraan gurmadka Abaaraha.
Golaha Wadatashiga Qaranka ayaa bogaadiyay dadaallada dib loogu xoreenayo deegaannada ay Al-Shabaab gacanta ku hayaan kuwaas oo hoostaga Dowlad Gobaleedyada Hirshabeell, Galmudug iyo Koonfur Galbeed, geesta kale waxa ay ugu baaqeyn Bulshada ku dhaqan deegaannadaas in ay ka qeyb qaataan dagaallada ay ku jiraan Ciidanka Dowladda.
Dhanka kale Golaha ayaa isku raacay in laga mira dhaliyo wadahadallada Soomaaliland, iyaga oo sheegay in ay adkeenayaan xiriika ka dhaxeeya labada dhinaca Dowladda dhexe iyo Dowlad Gobaleedyada Dalka.
Ugu dambeyn Golaha Wadatashiga Qaranka ayaa isku raacay in ay isku yimaadaan shir kale kaas oo ay ku lafa gurayaan arrimaha hortabinta u leh Dowlad Dhiska Soomaaliya.
Waa shirkii labaad ay isugu yimaadaan Golaha Wadatashiga Qaranka tan iyo doorashada Madaxweynaha Jamhuuriyadda Federaalka Soomaaliya Xasan Sheekh Maxamuud 15-ka May 2022.
Halkaan ka arkhriso Warmuriteeydka Shirka Golaha Wadatashiga Qaranka oo faahfaahsan
