Baydhabo-{WMN}-Maamulka Puntland ayaa joojiyay kulan uu Wasiirka Dhallinyarada iyo Cayaaraha Soomaaliya, Maxamed Barre Maxamuud kula yeelan lahaa magaalada Gaalkacyo ee Xarunta Goboolka Mudug dhallinyarada magaaladaasi.
Wasiir Maxamed Barre oo shalay Gaalkacayo u tegey ka qayb-galka Bandhigga Nabadda ayaa markii danbe dhallinyarada magaaladu, ku booqatay hoy uu ka degey dhinaca Galmudug, halkaasna uu kulan gaar ah kula yeeshay.
Waxaan xalay howga aan Gaalkacyo ka deganahay ku qaabilay koox dhalinyaro aqoonyahanno ah oo reer Puntland ah, waxaana ka sheekaysanay fursadaha iyo duruufaha wajahaya dhalinyarada Soomaaliyeed.
Waxaan ku bogaadiyay dhalinyarada reer Mudug ee labada dhinac Puntland iyo Galmudug inay sii xoojiyaan is-dhexgalka iyo nabadaynta gobolka Mudug oo bilowgiisii ahaa Hal-abuur dhalinyaro.
Maalmaha aan joogo magaalada Gaalkacyo waxaan kulamo la yeelan doonaa qaybaha kala duwan ee bulshada oo ay ugu horeeyaan dhalinyarada labada dhinac ayuu kuyiri qoraal uu kasoo saaray kulankii gaarka ahaa, balse uusan ka hadlin kulankii laga jojiyay.
Maamulka Puntland ayaan wax faahfaahin ah ka bixin amarka joojinta oo la sheegey in uu ka soo baxay madaxtooyada.
Ma cadda xilli ay kala boodeen DFS iyo Puntland.
