Ciidanka xoogga Dalka Soomaaliyeed ayaa saacadihii la soo dhaafay waxaa ay hwlgallo ka dhan ah Al-Shabaab ka fuliyeen degaano katirsan Gobolka Shabeellaha Dhexe, iyaga oo la wareegay degaano dhowr ah.
Taliyaha Guutad 17-aad ee kumaandooska Gorgor G/le dhexe Dayax Cabdi Cadulle oo howlgalka qeyb ka ah ayaa sheegay in Ciidamada qalabka sida ay Al-Shabaab kala wareegeen degaano ay kamid yihiin, Warciise, Gaaleef, Qoorsheere, Jilable oo hoostaga magaalooyinka Jowhar iyo Raagaceele ee gobolka Shabeelaha dhexe.
Sidoo kale wuxuu sheegay in intii ay howlgalka wadeen ay kudileen 10 dagaalame oo katirsan Al-Shabaab, isla markaana ay howlgallada ay sii wadi doonaan ilaa iyo inta Al-Shabaab ay ka saarayaan degaannada Gobolka Shabeellaha dhexe.
Maalmihii la soo dhaafay ayaa Ciidamada kala duwan ee dowladda Soomaaliya waxaa ay howlgallo kala duwan ka wadeen degaano yo degmooyin ka tirsan Gobolka Shabeellaha dhexe, waxana howlgallada oo markii hore ka bilaawday degaannada u dow degmada Balcad lagula wareegay degaano dhowr ah.
Dhinaca kale degmada Cadalle ee Gobolka Shabeellaha dhexe waxaa ka socda diyaar garoow xoogan oo Ciidamada dowladda ay ugu jiraan sidii ay Al-Shabaab uga saari lahayeen degaannada iyo degmooyinka ay kaga sugan yihiin Gobolka Shabeellaha Dhexe.
