Sida ay baahisay Wakaaladda Wararka ee SONNA General Cabdullaahi Cali Caanood ayaa sidoo kale sheegay inay khasaaro gaarsiyeen Al-Shabaabkii weerarka ku qaaday degaanka Qaayib.
Dagaalka ayaa saaka salaaddii subax kadib ka billowday deegaanka Qaayib oo qiyaastii dhowr iyo soddon kiiloomitar u jira magaalada Baxdo, waxaa la sheegay in labo gaari oo lagu soo raray walxaha qarxa lagu weeraray saldhigyo ay ku sugnaayeen ciidamada deegaanka oo taaageero ka helayo militeriga Soomaaliya ee fadhigeedu yahay deegaankaas.
Dowladda Soomaaliya iyo Al-Sabaab ayaa siyaabo kala duwan uga hadlay dagaalka, waxaana saaka Al-Shabaab u suurto gashay inay degaanka la wareegaan wallow markii dambe dib looga qabsaday.
