Maxay yihiin masuuliyiinta Midawga Yurub ee la xiray ee loo haysto inay la shaqeeyeen ‘Qatar’? written by Warsan Radio 12/12/2022 Garsoore u dhashay dalka Belgium ayaa Axaddii wuxuu dacwad ku soo oogay afar qof oo lagu eedeeyey inay lacag iyo hadyado ka heleen dal ka tirsan Khaliijka, si ay saamayn ugu yeeshaan go’aamada baarlamaanka Yurub, eedahaas ayaa noqday kuwo aad looga argagaxay.Dacwad oogayaasha ayaa baadhay 16 guri oo ku yaalla Brussels iyaga oo gacanta ku dhigay lacag gaadhaysa illaa $631,800 Jimcihii. Tallaabadan ayaa qayb ka ah, baadhitaano lagu hayo lacago sharci darro ah iyo falal musuqmaasuq.Lix qof ayaa markii hore la xidhay, hase ahaatee afar ka mida ayaa dacwad lagu soo oogay, halka la sii daayey laba qof oo ka mida lixda qof ee la xidhay, sida ay sheegeen dacwad oogayaashu. Illaa haatan lama magcaabin dadka loo haysto kiiskan.Warbixin ay daabacday wakaaladda wararka ee AP ayaa lagu sheegay inkasta oo aan si rasmi ah loo magcaabin xubnaha dacwadda lagu soo oogayo haddana in wararka la helayo ay sheegayaan in ugu yaraan mid ka mida afarta qof ee dacwadaha lagu soo oogayo inuu yahay xubin ka tirsan baarlamaanka Midawga Yurub, halka xubin kalena ay hore uga tirsanaan jirtay baarlamaanka Midawga Yurub.Dacwad oogayaasha ayaa sheegay in ay muddo bilo ah ay ka shakisnaayeen, in dal ka tirsan wadamada Khaliijku inuu isku dayayo inuu saamayn ku yeesho go’aanada Midawga Yurub. Ilo xogogaal u ah kiiskan ayaa sheegay in dalka lagu eedaynayo kiiskan inuu yahay dalka Qatar ee haatan martigelinaya koobka adduunka.Masuul u hadlay dawladda Qatar ayaa beeniyey eedaha loo soo jeediyey. Isagoo sheegay in nidaamka ay dawladda Qatar ula macaamisho hay’adaha dawliga ah iyo dalalka caalamku inay u maraan shuruucda caalamiga ah.Baarlamaanka Midawga Yurub ayaa sheegay inay dhammaadkii toddobaadkan ay hakiyeen awoodaha iyo waajibaadka mid ka mid ah ku xigeenadooda oo u dhalatay dalka Giriiga, kaas oo lagu magcaabo Eva Kaili, iyada oo la raacayo baadhitaanka uu wado dalka Belgium.Xisbiga hantiwadaaga ee Giriiga ee lagu magcaabo PASOK ayaa bayaan ay soo saareen ku sheegay inay Kaili ka saareen xisbigooda.Illaa haatan ma cadda in Kiali lagu soo oogay wax dacwad ah, sidoo kale xafiiskeedu kama jawaabin telefoonada. Maxay yihiin masuuliyiinta Midawga Yurub ee la xiray ee loo haysto inay la shaqeeyeen ‘Qatar’? was last modified: December 12th, 2022 by Warsan Radio 0 comment 0 Facebook Twitter Google + Pinterest previous post Maraykanka oo xidhay nin loo haytsto weerarka diyaaraddii ku burburtay Scotland, sannadkii 1988 next post Ciidamada dowladda oo la wareegay degaanka Al-Kowthar ee Shabeellaha Dhexe You may also like RW Xamse Barre “Degmo kasta si nabad galyo ah ayay Mas’aaliyiintu ku tagi karaan” 31/07/2023 Somaliland oo QM ka dalbatay in aan DFS loo so marsiin Deeqaha 22/03/2022 Dhageyso:-Barnaamijka Kulanka Warsan 25/12/2019 Dowladda Soomaaliya iyo Midowga Afrika oo ka wada hadlay xasilinta degaannada laga saaray Al-Shabaab 03/07/2023 Dhageyso:-Barnaamijka Kulanka Warsan 23/08/2021 Beesha Caalamka Oo Ka Hadashay Khilaafka U Dhexeeya Madaxweynaha Iyo Ra’iisul Wasaaraha 18/09/2021 Dhageeyso+Sawiro:-Ra’iisal Wasaare Kheyre oo booqday dhalinyaradii laga soo daayay xabsiyada Ethiopia 23/07/2017 DHAGEYSO: Warka Subax ee Idaacada Wasan 20/03/2020 Puntland oo sheegtay inay gacanta ku dhigtay madaxii dilalka iyo qaraxyada Daacish ee gobolka Bari 10/05/2020 Dowladda Federaalka Iyo Dowlad Goboleedyada Oo Ka Shiray Xaaladda Abaaraha Jira 11/06/2022 Fariintada Nogu soo dir E-mail Adres warsanradiobidoa@gmail.com warsannews@yahoo.com Leave a Comment Cancel Reply Save my name, email, and website in this browser for the next time I comment.