Maalinta Barito ah Magaalada Baydhabo waxaa ka Furmaya Shirka Dib heshiisiinta Koonfur Galbeed kaasi oo ay ka Qeybgalayaan Dhinacyada ka biyo diidsan Mudo kororsiga Madaxweyne Lafta Gareen
Guddiga Farsamada Shirka Dib uheshiisiinta Baydhabo ayaa diyariyay Goobtaha ay ka Dhacayaan shirarka iyo halka Ladajinayo martiyada iyo Kaqeybgalayaashaa Iyadoona aad loo Adkeeyay Amaanka Goobta uu shirka ka Dhacayo Iyo Guud ahaan Amniga Magaalada Baydhabo.
Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo Baydhabo u jooga furitaanka Shirka dib u Heshiisiinta Koonfur Galbeed ayaa kormeeray qeybo kamid ah goobaha la dajiyay martida ka soo qeyb geleysa Shirka Dib u Heshiisiinta KGS.
Guddoomiye Sheekh Aadan Madoobe oo hogaaminayo Saraakiisha ciidanka nabad ilaalinta qeybta 3-aad ee ATMIS ayaa indha indheeyay isla-markaana warbixin ka dhageystay masuuliyiinta loo xilsaaray soo dhaweynta martida iyo mas’uuliyiinta qeybta ka ah wufuuda ka qeyb galeeysa Shirka dib u Heshiisiinta Koonfur Galbeed oo loogu balansan yahay inuu ka furmo 16-ka Janaayo oo ku beegan maalinta beri ah.
Dhanka kale Guddoomiyaha Golaha Shacabka BJFS Mudane Sheekh Aadan Maxamed Nuur (Madoobe) ayaa sidoo kale booqday hoolka shirka uu ka furmaayo, isagoo warbixin ka qaatay Guddiga Farsamada oo ku jira diyaar garoowgii ugu dambeeyay
