Rag ku hubeysnaa bustoolado ayaa goordhow degmada Buulo-Burde waxaa ay kudileen laba ruux halka mid kale ay ku dhaawaceen, iyaga oo intaasi kadib goobta ka baxsaday.
labada Ruux ee la dilay ayaa goobjoogayaal sheegeen inay kala ahaayeen Nin katirsan Ciidamada Mabadsugida Magaalada Beledweyne, balse fasax ku joogay degmada Buulo-Burde & qof Shacab ahaa oo la socda halka qof kale la dhaawacay, kaas oo Mooto Bajaaj ku waday.
Ciidamo katirsan laamaha Amniga Buulo-Burde ayaa tegay halka uu dilka ka dhacay, iyaga oo goobta ka qaaday meydka labada Ruux iyo dhaawaca qofka kale balse aysan ku guuleysan inay qabtaan ragga dilka geystay.
Wararkii ugu dambeeya6 ee naga soo gaaraya degmada Buulo- Burde ee Gobolka Hiiraan ayaa sheegaya in Ciidamadu ay wadaan howlgallo kala duwan oo ay amniga ku xaqiijinayaan maadaama dil uu ka dhacay degmadaas.
