Maxkamadda Gobolka Banaadir ayaa shaacisay in kiiska xorriyadda saxaafadda Soomaaliya ee uu hormuudka ka yahay Xoghayaha Guud ee Somali Journalists Syndicate – SJS mudane Abdalle Ahmed Mumin la dhageysan doono maalinta Isniinta 6da Febraayo 2023, saacaddu markay tahay 7:00am.
Dhageysigan ayaa ah kii afraad tan iyo intii ay Maxkamaddu bilawday dacwaddan ku saabsan war saxaafadeedkii wadajirka ahaa ee ururrada saxaafadda Soomaaliya.
War kasoo baxay Ururka SJS ayaa waxaa lagu sheegay in dacwaddan uu dhinac ka yahay Wasiir ku Xigeenka Warfaafinta Cabdiraxmaan Cadaala, sida uu dhowr jeer ku cel celiyay Xoghayaha SJS Cabdalla Axmed Muumin.
26-kii Bishii Janaayo ee sanadkaan ayaa qorshuhu ahaa in markii Afaraad la dhageysto kiiska dacwadda Xoghayaha SJS Cabdalla Axmed Muumin balse uu dib u dhacay sababo amni darteed.
