Danjiraha dowladda Soomaaliya u jooga dalka Ciraaq, Ambassador Liibaan Sheekh Maxamuud ayaa waxa uu la kulmay Madaxweynaha dalka Ciraaq, C/Ladiif Jamaal Rashiid, isagoo u gudbiyey Dhambaal uu u soo dhiibay Madaxweyne Xasan Sheekh Maxamuud.
Bayaan ka soo baxay baxay Madaxtooyada dalkaasi ayaa lagu sheegay inuu Madaxweyne C/Ladiif Jamaal Rashiid uu Danjiraha JFS ku qaabilay Qasriga Baqdaad, kana guddoomay Dhambaalkii uu Madaxweyne Xasan Sheekh u soo diray.
Bayaanka waxa lagu sheegay inuu Madaxweynaha Soomaaliya kCasuumaad Rasmi ah u fidiyey dhigiisa Ciraaq iyo inuu Booqasho ku yimaado Caasimadda dalka Soomaaliya ee Muqdisho.
Madaxweyne Xasan Sheekh waxa uu ku xusay Dhambaalkiisa inuu rajeynayo in Safaaradda Jamhuuriyadda Ciraaq dib looga furi doono magaalladda Muqdisho.
Dhanka kale, Madaxweynaha dalka Ciraaq, C/Ladiif Jamaal Rashiid waxa uu ka codsaday Danjiraha Soomaaliya inuu Salaan Khaas ah ka gaarsiiyo Madaxweyne Xasan Sheekh Maxamuud, isla markaan uu rajeynayo in la xoojin doono Iskaashiga iyo Xiriirka Labada Waddan ee Walaalaha ah, gaar ahaan dhinacyada Beeraha, Ganacsiga, Kheyraadka Xoolaha, si ay uga faa’ideystaan Shacabka labada Waddan ee Soomaaliya iyo Ciraaq.
