Taliska Ciidanka Booliska Qeybta Guud gaar ahaan Ciidanka Saldhigga Degmada Dharkenleey ayaa gacanta ku dhigay seddex nin oo Burcad ah, kuwaas Dadka Barackayaasha ah ee nool Duuleedka Magaalada Muqdisho ku dhacayay Kaarar Been-abuur ah.
War kasoo baxay taliska Booliska Gobolka Banaadir ayaa sheegay in raggan oo Saddex ah ay dadka u sheegayeen in ay yihiin Hey’addaha Ka shaqeeya Arimaha gargaarka.
Nimanka Burcadka ah ayaa lacag min 10 dollar ka aruursaday qoysas badan oo danyar ah, kadibna u Qeeybiyay Kaar been ah, iyaga oo taas badalkeeda dadka Maskiinta ah u sheegaya in ay dhawaan heli doonaan deeq lacageed iyo Raashin.
Ciidanka Booliska Saldhigga Degmada Dharkenley ayaa ragga ay gacanta kusoo dhigeen ku xiray Saldhigga Degmada, kuwaas oo la sheegay in Maxkamad la horgeyn doono.