Dabley hubeysan ayaa lix qof oo ay ku jiraan afar arday ku dilay duleedka magaalada Gaarissa ee Gobolka waqooyi bari ee dalka Kenya, waxaa ardaydan ay ku sii jeedeen degmada Haluqo si ay maalmaha fasaxa ula soo qaataan waalidkooda.Warar la helayo ayaa waxaa ay sheegayaan in Ardayda lala dilay darawalkii gaariga ku waday iyo qof kale oo la socday.Weerarkan ayaa dowladda Kenya ay ku sheegtay in uu ahaa mid aano qabiil ah, waxayna sheegtay in ay ciidamada amnigu soo qabteen qof ka mid ah dableydii ardaydaasi leysay, isla markaana haatan ay socdaan baaritaano kale oo lagu baadi-gaabayo dad kale.Guddoomiyaha Gobolka waqooyi bari ee Kenya oo warbaahinta la hadlay ayaa u sheegay in dableyda hubeysan ee weerarka ku dishay ardayda ay gaarayaan 5 illaa 8 ruux, wuxuuna tilmaamay in ciidamo ay geeyeen deegaano ay ka dhici karaan falalkaan oo kale,Guddoomiyaha Gobolka ayaa sidoo kale xusay inay wadaan howlgalo lagu soo qabanayo dadkii ka dambeeyay weerarkaan khasaaraha geystay, isla markaana dadkaasi cadaalada la horgeyn doono, oo mid kamid ah gacanta ay kusoo dhigeen ciidanka Booliska Kenya.
