Guddoomiyaha Gobolka Shabeellaha Hoose Maxamed Ibrahim Barre ayaa ku guuleystay in dib loo fasaxo Gaadiidkii ku xayirnaa Degmada Afgooye, kaas oo ay xayireyn Ciidamo Macawuusley ah oo ku sugan duleedka degmadaas.Gudoomiyaha Oo ay wehliyaan Maamulka Degmada Afgooye saraakiisha Amniga ayaa Ciidamada degaanka ku qanciyay iney qeyb ka noqdaan Xureynta Degaanbada Gobolka.Guddoomiyaha Gobolka Shabeellaha Hoose Maxamed Ibrahim Barre ayaa sheegay in ay ku baxeen cabasho ka timid Gaadiidleyda, isla markaana baaritaan ay sameeyeen ay xaliyeen.Wuxuu sidoo kale sheegay in Ciidamada macawuusleyda ay isku raaceen in amniga siwadajir ah loo wada sugo oo ka qeyb qaata dagaalka l-Shabaab, balse aysan dhigan isbaaro.Gudoomiyaha Degmada Afgooye ahna duqa Magaalada Cabdullaahi Maxamed Cusmaan Hiraabe ayaa dhankiisa sheegay in Ciidamada degaanka aysan aheyn kuwo isbaaro dhigta, balse ay ahaayeen kuwo xaq u dirir ah, hayeeshee hadda la xaliyay wixii tabahso ah oo ay qabeen.Muddo ka badan Todobaad ayay degmada Afgooye ee Gobolka Shabeellaha Hoose ku xayirnaayen Gaadiidka nooca xamuulka qaado ahaa oo agab kala duwan, balse ugu dambeyn la fasaxay.
