Ra’iisul Wasaare ku-xigeenkii ahna Wasiirkii Arrimaha Dibedda ee Dowladda Itoobiya Demeke Mekonnen ayaa Maanta oo jimco ah ku dhawaaqay inuu xilkii is casilay.
Waxaa uu xilka soo hayey Demeke Mekonnen tan iyo bishii November 2020ka. Lama shaacin sababaha uu isku casiley, hase yeeshee waxaa uu ka soo jeedaa qowmiyadda Amxaarada oo haatan dagaal culus oo hubeysan kula jirta Dowladda Itoobiya ee Ra’iisul Wasaare Abiy Ahmed.
Dameke ayaa mudo dheer ahaa Wasiirka arrimaha dibada iyo RW kuxigeen, balse todobaadkan ayaa laga ceyriyey Kuxigeenka madaxa Xisbiga talada haya, iyadoo booskiisa lagaliyey Taliyaha Nabadsugida Itoobiya oo ay isku qowmiyad kasoo jeedaan.
Dalka Itoobiya ayaa waxaa ka dhacay dagaalo sokeeye oo qowmiyado ku saleysan, kuwaas oo khatar ku ah amniga dalkaasi iyo kan gobolka intaba.
