Ugu yaraan lix qof oo looga shakisan yahay inay ka tirsan yihiin Al-Shabaab ayaa lagu dilay weerar gaadmo ah oo ciidamada ammaanka ee Kenya ay ku qaadeen deegaanka Kumba ee gobolka Lamu.
Booliisku waxay sheegeen inay sidoo kale la wareegeen sahay muhiim ah.
Goobta uu weerarka gaadmada ah ka dhacay ayaa ah dhulka Keymaha ah ee Boni Forest halkaas oo la sheegay in qaar kamida kooxdu ay ku sugnaayeen.
Ciidamada Kenya ayaa soo qaaday weerarka gaadmada ah.
Shaqaaluhu waxay sheegeen in qaar ka mid ah raggan ka tirsan Al-shabaab ay u suurtagashay in ay baxsadaan.
“Shacabka waxaa lagula talinayaa in ay feejignaadaan sababtoo ah howlgalku wuxuu horseedi karaa dhaqdhaqaaqyo kordha oo kooxda ah,” ayuu yiri sarkaal ka tirsan Cidanka Difaaca Kenya .
Dadka la dilay ayaa waxaa ka mid ah nin loo maleynayo in uu ka midab duwanyahay Soomaalida iyo Afrikaanka kale, kaasoo mas’uuliyiinta ay rumeysan yihiin inuu yahay ajnabi.
Weerarkan lagu dilay xubnahaan ka tirsan Alkshabaab ayaa yimid ka dib markii ay heleen Hay’adaha Amniha Kenya xog sirdoon oo sheegeysa in kooxdan ay qorsheynayeen weerar ay ka geystaan dregaankaasi.
