Dowladda Thailand ayaa dhaqaale badan ka heshay Suuqa caanka ah ee ku yaalla Biyaha isla markaana wax lagu kala iibsado doomaha, waxaana kordhay dadka dalxiisayaasha ah ee doonaya in ay kasoo adeegtaan suuqaas.
Suuqaan oo lagu magacaabo Damnoen Saduak Floating Market waxa uu ku yaalla dusha sare ee Wabiyo iyo kannaallo biyo ah, waxa uu jiaha Koofur Galbeed uga beegan yahay Magaalada Bangkok ee Caasimadda Dalka Thailand.
Waxyaabaha inta badan dadka ay u xiiseeyaan waxaa kamid ah kaddib markii ay halkaasi tageen Dad caan ah oo isugu jira Suxufiyiin iyo kuwa isticmaalla Baraha Bulshada waxaana muuqaallada ay ka duubeen ay kordhiyeen dadka halkaas tagaya.
Mas’uuliyiin katirsan Maamulka Deegaanka uu ku yaallo Suuqaan ayaa sheegay in ay aad u ilaaliyaan amniga Dadka Ajaanibta ah si looga hortago dhibaato soo gaarto taasi oo sababi karta in magac xumo ku dhacdo suuqaas.
In ku dhow 2 Milyan o ruux ayaa sanadkaan booqatay Suuqaan kuwaas oo ah Dalxiisayaal caalami ah kana codsaday safarkooda barta gaarka ah ee loogu talagalay in ay ka helaan macluumaadka u gaarka ah suuqa.
