Taliyaha Ururka 1-aad ee Guutada 17-aad, Qeybta 1-aad ee Kumaandooska Xoogga Dalka Soomaaliyeed ee Gorgor, Cabdullaahi Mustaf Cali “Tima-weyne”, ayaa sheegay in ciidamadu ay sii xoojin doonaan dadaallada lagu sugayo amniga guud ee Gobolka Bay iyo guud ahaan deegaannada Koonfur Galbeed.
Taliyaha ayaa sheegay in ciidamada Gorgor ay ka go’an tahay inay qaadaan tallaabooyin lagu xaqiijinayo amniga shacabka, isla markaana ay ka hortagayaan caqabad kasta oo ka hor imaan karta howlgallada amni ee ka socda gobolka.
Cabdullaahi Mustaf Cali “Tima-weyne” ayaa xusay in ciidamada ay sii wadi doonaan howlaha ay ugu adeegayaan shacabka, isagoo adkeeyay in halganka lagu sugayo amniga iyo la dagaallanka kooxaha hubeysan uu yahay mid sii socon doona.
Hadalkan ayaa kusoo beegmaya xilli ciidamada dowladda iyo kuwa Koonfur Galbeed ay wadaan dadaallo lagu xoojinayo amniga Baydhabo iyo deegaannada kale ee Gobolka Bay, iyadoo muhiimad gaar ah la siinayo ilaalinta shacabka iyo xasilinta deegaannada.
Taliyaha ayaa ugu dambeyn shacabka ugu baaqay inay ciidamada la shaqeeyaan, kana qeyb qaataan dadaallada lagu xaqiijinayo nabadgelyada iyo xasilloonida gobolka.
halkan ka daawo hadalka talityaha
https://x.com/Warsannews/status/2090999747989414063
