Yearly Archives

2026

Dowladda Soomaaliya oo sheegtay in macallinka dhigaya dugsiga Qur’aanka laga doonayo shahaado aqoonsi leh

written by Admin

Ra’iisul Wasaaraha Soomaaliya, Xamse Cabdi Barre, ayaa sheegay in xukuumaddu bilowday dib-u-habeyn lagu nidaaminayo waxbarashada Islaamiga ah, isagoo xusay in markii ugu horreysay dugsiyada Qur’aanka lagu daray nidaamka rasmiga ah ee waxbarashada dalka.

Xamse Cabdi Barre ayaa sheegay in dugsiyada Qur’aanka loo aqoonsan doono qeyb rasmi ah oo ka tirsan manhajka waxbarashada dowladda, isla markaana yeelan doonaan manhaj mideysan, shahaado iyo kormeer ay maamusho Wasaaradda Waxbarashada.

Ra’iisul Wasaaruhu wuxuu sheegay in mustaqbalka aan loo oggolaan doonin qof aan haysan tababar iyo shahaado la aqoonsan yahay inuu ka noqdo macallin dugsi Qur’aan, isagoo xusay in macallimiinta la tababari doono, dugsiyadana lagu dari doono qorshaha horumarinta waxbarashada ee dowladda.

Sidoo kale, wuxuu sheegay in xukuumaddu waddo qorshe lagu dhisayo Golaha Sare ee Culumada Soomaaliyeed, kaas oo uu sheegay inuu soo saari doono fatwooyin mideysan oo rasmi ah, si loo mideeyo aragtida diimeed ee laga gudbinayo masaajidda iyo goobaha kale ee diinta.

Ra’iisul Wasaare Xamse Cabdi Barre ayaa sheegay in tallaabooyinkan ay qeyb ka yihiin siyaasadda dowladda ee lagu nidaaminayo waxbarashada Islaamiga ah iyo doorka ay diintu ku leedahay bulshada Soomaaliyeed.

July 22, 2026 0 comment

WARARKA MAANTA

Ciidanka Xoogga Dalka oo soo afjaray xiisad ka taagneyd dhul beereed u dhexeeya Marka iyo Janaale

written by Admin

Cutubyo ka tirsan Guutada 14-ka Oktoobar ee Ciidanka Dhulka Xoogga Dalka Soomaaliyeed ayaa ku guuleystay inay dejiyaan xiisad saacadihii u dambeeyay ka taagneyd dhul beereed u dhexeeya magaalada Marka iyo deegaanka Janaale ee gobolka Shabeellaha Hoose.

Taliyaha Guutada 14-ka Oktoobar, Gaashaanle Cismaan Muuse Maxamed, ayaa sheegay in cutubyada Ururrada 141-aad, 144-aad iyo 145-aad ay si degdeg ah ugu baxeen goobta, halkaas oo ay ku kala dhex galeen dhinacyadii iska horjeeday, isla markaana ay ku guuleysteen inay dejiyaan xaaladda.

Taliyuhu wuxuu sidoo kale sheegay in ciidamada ay dib u fureen kanaal biyood oo xirmay sababo la xiriiray xiisadda ka taagneyd deegaanka, si loo suurtageliyo in biyuhu mar kale gaaraan dhulka beeraha.

Gaashaanle Cismaan Muuse ayaa adkeeyay in aan la aqbali doonin dhiig ku daata iska horimaadyo aan waxba tarayn, isagoo xusay in xasilloonida bulshada ay muhiim u tahay sii wadidda howlaha amniga iyo ka hortagga in kooxda Al-Shabaab ay ka faa’iideysato colaadaha deegaanka.

Wuxuu intaa ku daray in howlgalka maanta la fuliyay uu u dhacay sidii loo qorsheeyay, isla markaana ciidamada ay sii wadi doonaan dadaallada lagu ilaalinayo amniga iyo xallinta khilaafaadka ka dhasha deegaannada ay ka howlgalaan.

July 22, 2026 0 comment

WARARKA MAANTA

Dagaalka Bariga Dhexe oo xasarad dhaqaale ka abuuray dunida

written by Admin

Dagaalka u dhaxeeya Mareykanka iyo Iran ee ka socdo Bariga Dhexe iyo xirnaanshaha marinka sahayda tamarta ee Hormuz ayaa gilgilaya suuqyada caalamiga ah.

Dagaalka ayaa si weyn u curyaaminaya dhaqaalaha caalamka, isagoo si gaar ah u kordhiyay qiimaha shidaalka, kharashka maraakiibta & xamuulka, gaadiidka dadweynaha oo ay ku jiraan kuwa gaarka loo leeyahay iyo korontada ay dadku isticmaalaan.

Shidaalka oo ciriiri gala ayaa wuxuu keenaa sicir barar guud, iyadoo marka uu shidaalka qaaliyoobo ay si toos ah u kordhaan qiimaha wax kasta oo suuqa yaala, taas oo keenta in sicirka raashinka, biyaha iyo adeegyada kale ay kor u kacaan.

Caqabadda taagan ayaa waxaa uga sii daraya walaaca xoogan ee laga qabo in dagaalku uu ku fido xarumaha wax soosaarka tamarta ee gobolka, iyadoo gobolku uu soo saaro qaybta ugu badan ee shidaalka caalamka.

Dagaalka tamarta ayaa sababaya waxyeelo keeneysa dhowr sano oo dib-u-dhac ah, in qiimaha saliidda ee suuqyada caalamiga ah uu kor u sii kaco iyo in uu sii xoogeysto jahwareerka dhaqaale ee ka jira dunida.

Tallaabo kasta oo horseedeysa in uu sii xirnaado Marinka Hormuz iyo falalka militari ee ka dhanka ah warshadaha batroolka iyo gaaska ee gobolka ayaa dunida ku riixaya sicir barar baahsan iyo dhibaato dhaqaale oo caalami ah.

Iran ayaa gacanta ku haysa marinka ugu muhimsan ee sahayda tamarta adduunka, waxayna sheegtay in inta Mareykanka uu weerarada ku hayo dalkaasi iyo beegsi kasta oo ka dhan ah xarumaheeda tamarta aanay ogolaan doonin inay dib u furto Hormuz. Taliska Ciidanka Ilaalada Kacaanka Islaamiga ah ee Iran ayaa dhammaadkii isbuuca ku hanjabay inay burburin doonaan warshadaha saliidda ee dalalka khaliijka ee xulafada la ah Mareykanka, haddii Mareykanku uu waxyeeleeyo ilaha dhaqaalaha ee dalkaasi.

Maamulada Shirkadaha Maraakiibta ayaa joojiyay adeegsiga marin biyoodka Hormuz, illaa iyo inta ay xaaladda dhinac u dhaceyso. Tani waxay ka dambeysay, ka dib markii intii ay colaaddan dib uga soo cusboonaatay gobolka la gubay illaa 10 markab oo nooca booyadaha shidaalka ah.

Madaxweyne Donald Trump ayaa wacad ku maray in Mareykanku uu xoog ku furi doono Marinka Hormuz, isla-markaana uu go’doomin dhameystiran gelin doono Dekedaha Iran. Hanjabaadaha Trump iyo xiisadda sii xumaaneysa ayaa caqabad kale ku noqotay maraakiibtii caalamiga ee badeecadaha ganacsiga gayn jiray lixda dal ee Khaliijka iyo Dekedda Basra ee Koonfurta Ciraaq.

Shirkadaha Caymiska ee gaadiidka xamuulka badda ayaa sare u qaaday kharashka halista ee maraakiibta, waana sababta Maamulada Shirkadaha Maraakiibta iyo ganacsatada iska leh badeecadaha ay uga baxsanayaan inay isticmaalaan marinkaasi, maadaama xaaladda xasaasiga ah ee marinkaasi ka jirto ay halis gelineyso badqabka gaadiidka xamuulka badda iyo shixnadaha ganacsiga.

Daraasadaha caalamiga ah iyo is bedelada maalinlaha ah ee lagu arkayo suuqyada ayaa muujinaya in dagaalku uu saamayn xun ku yeelanayo dhaqaalaha caalamka iyo suuqyada tamarta, taasoo xaaladaha degdegga ah ka dhigeysa kuwo halis ah.

Dalalka aadka ugu tiirsan sahayda shidaalka iyo gaaska dabiiciga ah ee Bariga Dhexe ayaa la kulmaya gaabis ku yimid kobaca dhaqaalaha iyo sicir barar xoogan.

Baanka Adduunka ayaa horey u saadaaliyay in qiimaha shidaalka uu kor u kici karo illaa $115 halkii fuusto, haddii xiisadaha gobolka ay sii jiraan.

Khubarada dhaqaalaha ayaa ka digaya in saamayntan ay kordhin karto sicir bararka iyo kharashka nolosha qoysaska, taas oo hoosta ka xarriiqeysa cawaaqib xumada dhaqaale ee ka dhalan karta dagaalka Mareykanka iyo Iran.

Mar kasta oo dagaalka uu sii jiitamo, waxa ay dadku filayaan ayaa ah inuu sii kordho qiimaha naxdinta leh ee sahayda tamarta iyo kharashka nolosha ee maalinlaha.

July 22, 2026 0 comment

WARARKA MAANTA

Dab maanta ka kacay Suuqa Bakaaraha oo gaystay burbur hantiyadeed

written by Admin

Waxaa abaarihii 3-dii galabnimo ee maanta lagu guuleystay in la xakameeyo dabkii ka kacay goobo ganacsi oo ku yaala Suuqa Bakaaraha ee Magaalada Muqdisho.

Gudoomiyaha Degmada Howlwadaag, Bashiir Cabdi Maxamed oo Wariyeyaasha kula hadlay Suuqa Bakaaraha, gaar ahaan qaybta Cabdalla Shideeye ayaa sheegay in dabku uu ka dhashay koronto.

Cabdisalaan Daahir Magan, Agaasimaha Waaxda Gurmadka Degdegga & Dabdemiska ee Maamulka Gobolka Banaadir ayaa sheegay in dabku uu saameeyay saddex dhisme oo wadar ahaan ka kooban 26 qol.

Agaasime Magan ayaa tilmaamay in dabku uu gebi ahaanba burburiyay 19 qol oo ka mid ah dhismayaashaasi, oo isugu jira sida uu sheegay ganacsiyo kala duwan, sida bagaashka iyo qalabka elektaroonigga.

Ganacsatada qaar ayaa waxaa u suurtagashay in hantidooda iyo alaabahooda qaar ay kala baxaan, ka hor inta aanu dabku xarumahooda ganacsiga wada gaarin amaba liqin.

Magan ayaa ganacsatada ugu baaqay in ay gacan u fidiyaan kuwoodii ku hantida beelay dabka.”Ganacsatada waxaan leeyahay saaxiibadiinna ay ganacsiyada ka gubteen garab siiya. Haddaad isku gargaartaan, Ilaahay wuu idiin gargaarayaa.” Ayuu yiri Magan.

Dabka ku soo noqnoqday suuqyada waaweyn ee dhulka Soomaalida ayaa caqabad weyn ku ah dhaqaalaha, maadaama ganacsigu uu yahay laf dhabarta kobaca dhaqaalaha ee magaalooyinka.

Masiibooyinka dabka ayaa sababa burbur hantiyeed oo baaxad leh oo si toos ah u curyaamiya nolosha bulshada.

Suuqyada ganacsiga ee magaalooyinka ayaa ah isha ugu muhiimsan ee shaqo abuurka iyo aasaaska dhaqaalaha.

DAAWO SAWIRADA DABKA KHASAARAHA DHLIYAY

July 22, 2026 0 comment

BILAN MEDIA

Baidoa Women Entrepreneurs: What You Need to Know About Their Growing Economic Role

written by abdalleyahye

Women entrepreneurs in the city of Baidoa have increasingly become the backbone of the local economy. Through a wide range of small businesses, these women play a visible role in supporting their families while also contributing to the economic growth of their communities.
Habibo Abdullahi is one of the women leading this change. For more than 30 years, she has been selling locally produced crops to provide for her family. She says her business income is the primary source of livelihood for those who depend on her.
“I support children I gave birth to as well as those born to my son. They rely on me for their education I pay for both Quranic and formal schooling. I have also managed to build a home for my family,” Habibo said.
Another trader, Zeynab Musamil, sells vegetables in Baidoa’s main market. She explained how she balances raising her children with running her business, noting that working has protected her from many hardships linked to staying idle at home.
“I trade while sitting right here at the market. Instead of staying at home and facing difficulties, I come out to work. I bring my children with me to the market, and when the work is done, we all return home together. I always advise other women to work and be independent,” Zeynab said.
Gacalo Adan also shared how access to financial support helped her expand her small shop. She said customer demand motivated her to grow her business beyond its original size.
“I started with a small shop, but people kept asking for items I didn’t have. That pushed me to think about expanding. When I heard about the financing program, I applied and was warmly received. Today, my shop stocks products that were not available before,” she explained.
Abdinur Mohamed, the manager of Hogaan Microfinance, highlighted the company’s role in supporting women entrepreneurs in Baidoa.
“Our programs are designed especially for women, particularly those who have learned vocational skills. Through a project we call Siraad, we first provide training in areas such as food processing, tailoring, and other skills. After that, we supply them with the equipment they need to start working,” he said.
Meanwhile, Ruqiyo Sheikh Abdullahi, the chairperson of the South West Women Entrepreneurs Association, pointed out the major challenges facing women in business.
“One of the biggest challenges is poor connectivity between areas and insecurity on the roads. Sometimes women traders cannot reach other locations due to security concerns or lack of support for travel,” she said.
Despite economic, security, and social challenges, women entrepreneurs in Baidoa continue to pursue their ambitions. Their small businesses have become vital sources of income for many families and now play an important role in the city’s overall development.

Written by Hawo Nor

June 30, 2026 0 comment