Ugu yaraan 4 qof ayaa la xaqiijiyey inay ku geeriyoodeen Qarax ka dhacay Degmadda Karaworo ee Gobalka Kogi ee ku yaalla Bartamaha Waqooyi (North-Central State) ee dalkaasi.
Qaraxa oo ahaa Gaari miineysan ayaa la sheegay inuu dhacay 30 daqiiqado ka hor socdaal uu Madaxweyne Muhammadu Buhari ku tegi lahaa Gobalkaasi si uu xariga uga jaro dhowr Mashruuc oo laga hirgeliyey Deegaanadaasi.
Dadka Deegaanka ayaa sheegay in la rumeysan yahay inuu Qaraxaasi ahaa Bam, kaasi oo gallaaftay Nolosha yaraan 4 qof oo ku sugaa Degmadda Karaworo.
Goobjoogayaal u dhawaa goobta Qaraxa oo la hadlay Warbaahinta PREMIUM TIMES ayaa xusay inuu Qaraxu ka dhacay meel ku dhow Albaabka Weyn ee laga galo Qasriga Amiir “The Emir’s Palace”.
Wararka ayaa sheegay inuu qarxay Gaari lagu soo xiray miinooyinka nooca meelaha Fog laga hago ee loo adeegsado qalabka Remote Control.
Qaraxa kadib, waxaa aad loo adkeeyey Amaanka, iyadoo Ciiddan badan la dhigay Baraha Kontoroolka, lana baarayey Dadka iyo Gaaadiidka, muddadii uu Madaxweyne Muhammadu Buhari xariga ka jarayey Isbitaal casri ah iyo Mashaariic kale oo horumarineed oo laga hirgeliyey qeybo ka mid ah Gobalka Kogi ee dalkaasi.
