Arsenal ayaa ku dhawaaqi doonta saxiixyada labada ah ee Shkodran Mustafi iyo Lucas Perez berito oo talaado ah sida ay qortay jariiradda Daily Star ee England kasoo baxda.
Daafaca Valencia Mustafi ayaa ku yimid Emirates Stadium aduun dhan 35 Malyan Oo Pound, halka Lucas Perez uu waqooyiga London ku yimid 17.1 Malyan Oo Pound.
Labadaan xidig goor hore ayey caafimaad ku mareen London sida lagu soo waramayo iyadoo Wenger uu xaqiijiyay saxiixa labadaan wiil.
27-jirka reer Spain wuxuu maanta qaban doonaa shir jaraa’id oo uu ku macsalaameynayo Jamaahiirta Deportivo La Coruna taasoo ka dhigan inuu boorsadiisa u xirxiran doono London, halka Mustafi uu London imaan doono marka uu soo dhameysto kulamada xulkiisa isagoo soo raaci doona Ozil.
Mustafi Iyo Perez waxey ciyaari karaan kulankooda ugu horeeya Premier League-ga kulanka ay Gunners 10-ka September la ciyaareyso Southampton.
