WMN-Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa sheegay in lagama maarmaan tahay Doorasho qof iyo cod ah oo ka dhacda dalka.
Ra’iisul wasaaraha ayaa sheegay in Doorasho dadban Dan u tahay siyaasiga ka shaqeynaya dantiisa gaarka ah iyo dowladaha Shisheeye.
“Maamul gaar ah iyo qabiil ma doonayaan doorasho dadban ee waxaa raba Siyaasiga daneystaha ah iyo dowladaha Shisheeye” ayuu yiri Ra’iisul Wasaare Xamsa.
Isaga oo sii hadlaya Ra’iisul wasaaraha ayaa sheegay in ay ka go’an tahay dardar galinta dagaalka AS iyo hirgelinta doorashooyin qof iyo cod ah.
Ra’iisul Wasaare Xamsa, ayaa tilmaamay in doorashada dadweynaha ee dalka laga hirgelinayo ay tahay mid shacabka Soomaaliyeed loogu soo celinayo awooddoodii ka maqneyd in ka badan 56 sano.
Hadalka Ra’iisul wasaaraha ayaa ku soo aadaya xilli Dowladda Federaalka ku dadaaleyso Doorasho qof iyo cod ah oo ka dhacda dalka.
