Rebeca Grynspan oo u dhalatay Costa Rica oo tartan xoogan uga jirta xilka Xoghayaha Guud ee xiga ee Qaramada Midoobay.

Ra’yi ururin aan rasmi ahayn ayaa muujisay in Grynspan oo u dhalatay Costa Rica ay hoggaanka u hayso tartanka loogu jiro xilka Xoghayaha Guud ee xiga ee Qaramada Midoobay.

haweeneydii ugu horreysay ee la filayo inay noqoto Xoghayaha Guud ee Qaramada Midoobay. Asal ahaan waa qofkii ugu horreeyey ee kasoo jeeda Yuhuudiga (Jewish) ah ee la filayo inuu qabta xilkan.

Rebeca Grynspan ayaa ka mid ah musharraxiinta ugu cadcad ee xilka Xoghayaha Guud ee Qaramada Midoobay.

Reuters ayaa sheegtay in Rebeca Grynspan ay ka dhalatay qoys Yuhuudi ah, iyadoo waalidkeed ay ka badbaadeen xasuuqii Nazi-ga Jarmalka (Holocaust).

Warbixinno kale ayaa sidoo kale xusay inay si cad uga hadasho aqoonsigeeda Yuhuudda.

Rebeca Grynspan waxay hadda tahay Xoghayaha Guud ee UNCTAD.

Waxay hore u soo noqotay Madaxweyne Ku-xigeenka Costa Rica, waxayna leedahay waayo-aragnimo dheer oo ku saabsan dhaqaalaha, horumarinta iyo diblomaasiyadda caalamiga ah.

Dhanka kale, Grynspan ayaa hoggaamisay codbixintii ugu horreysay ee qarsoodiga ahayd (straw poll) ee Golaha Ammaanka ee Qaramada Midoobay loogu qiimeeyo musharraxiinta xilka Xoghayaha Guud.

Waxay heshay 10 cod oo taageero, taasoo ka dhigtay musharraxa ugu taageerada badan wareegga koowaad.

Codbixintan ma aha doorashada kama dambaysta ah, balse waa tijaabo lagu cabbiro heerka taageerada ay musharraxiintu ka haystaan xubnaha Golaha Ammaanka ka hor codbixinta rasmiga ah.

Dadka hadda sida weyn loogu hadal hayo tartanka Xoghayaha Guud ee xiga ee Qaramada Midoobay, oo beddeli doona António Guterres marka muddo-xileedkiisu dhammaado dhammaadka 2026, waxaa ka mid ah:

1. Rebeca Grynspan 🇨🇷 – Waxaa loo arkaa musharraxa ugu cadcad. Waxay hadda hoggaamisaa United Nations Conference on Trade and Development, waxaana taageero xooggan ka haysataa dalal badan.

2. Michelle Bachelet 🇨🇱 – Madaxweynihii hore ee Chile, sidoo kalena soo noqotay Madaxa Xuquuqda Aadanaha ee Qaramada Midoobay.

3. Mia Mottley 🇧🇧 – Hoggaamiye si weyn loogu ammaano doorkeeda isbeddelka cimilada iyo horumarinta dalalka soo koraya.

4. Amina J. Mohammed 🇳🇬 – Ku-xigeenka Xoghayaha Guud ee Qaramada Midoobay, laguna tilmaamo musharrax khibrad weyn leh.Inkasta oo magacyo badan la hadal hayo, Rebeca Grynspan ayaa hadda loo arkaa inay ugu horreyso tartanka, sida ay muujinayaan falanqaynno iyo ra’yi ururinno aan rasmi ahayn.

Haddii la doorto, waxay noqon doontaa:- Haweeneydii ugu horreysay ee noqota Xoghayaha Guud ee Qaramada Midoobay.- Qofkii ugu horreeyey ee asal ahaan Yuhuudi (Jewish) ah ee qabta xilkan taariikhda Qaramada Midoobay.

Sources-ka hoos ka eeg 👇