Hoggaamiyaha Dowladda Koonfur Galbeed Soomaaliya, Mudane Sheekh Aadan Maxamed Nuur (Madoobe), ayaa maanta Aqalka Madaxtooyada ee magaalada Baydhabo ku qaabilay odeyaasha dhaqanka ee Koonfur Galbeed.
Kulanka ayaa diiradda lagu saaray muhiimadda ay leedahay xoojinta wada-tashiga, nabadda, midnimada bulshada iyo doorka odeyaasha dhaqanka ee arrimaha bulshada iyo siyaasadda Koonfur Galbeed.
Odeyaasha dhaqanka ayaa la filayaa inay hoggaamiyaha la wadaageen aragtiyo iyo talooyin ku saabsan xaaladda guud ee deegaanada Koonfur Galbeed, halka dhinaca dowladda uu kulanku qayb ka yahay dadaallada lagu xoojinayo xiriirka iyo wada-shaqeynta madaxda iyo qaybaha kala duwan ee bulshada.
Odeyaasha dhaqanka ayaa door muhiim ah ku leh xallinta khilaafaadka, dib-u-heshiisiinta iyo ilaalinta wadajirka bulshada, waxaana kulamo noocan oo kale ah ay muhiim u yihiin in la helo aragti mideysan oo ku saabsan mustaqbalka Koonfur Galbeed.
Horey kulamo lala yeeshay odeyaasha dhaqanka Koonfur Galbeed ayaa sidoo kale looga hadlay kaalintooda ku aaddan nabadda iyo dib-u-heshiisiinta.
Kulanka ayaa waxaa hogaamiyaha kala qeybgalay Wasiirka Arimaha Gudaha, Dowladaha Hoose iyo Dib-u-heshiisiinta KGS, Wasiir Dowladaha Madaxtooya, Agaasimaha Guud Madaxtooyada iyo Afhayeenka Dowladda Koonfur Galbeed
**Kulankan ayaa kusoo beegmaya xilli Baydhabo ay ka socdaan kulamo iyo wadatashiyo la xiriira arrimaha siyaasadda, amniga iyo maamulka Koonfur Galbeed.**
