Hoos ka Dhageyso: Barnaamijka Waxbarashada Idaacda Warsan oo idin soo jeedinaayo Mohamuud Nuunoow Mohamed.
Hoos ka Dhageyso: Warka Fiidnimo ee Idaacada Warsan oo idin soo jeedinayo Sadam Hilal.
Wararka ka imaanaya gobolka Bakool ayaa sheegaya in Xubno ka Tirsan Al Shabaab ay weerar la beegsadeen ciidamo Itoobiyaan ah.
Weerarka oo ka dhacay inta u dhaxaysa Magaalooyinka Rabdhuure iyo waajid ayaa la sheegay in uu ku bilowday qarax lala eegtay kolonyo ay leeyihiin ciidamada Itoobiya oo halkaas marayay .
Qaraxa miino markii uu dhacay ee lala eegtay Kolonyada Gaadiidka ah ee ay wateen Ciidamadaa Itoobiya ayaa waxaa xigay dagaalka Toos oo dhex maray Ciidanka Itoobiya ee la waraeera iyo Alshabaab iyadoo illaa hadda aan la oheyn khasaaraha ka dhashay dagaalka.
Sidoo kale’ Al shabaab oo sheegtay Mas’uuliyada weerarkan ayaa sheegtay in ay weerareen saldhigyo ay ciidamada Itoobiya iyo kuwa Maamulka Koonfur Galbeed ku lahaayeen degmada Xudur ee gobolka Bakool.
Ma jiro wax war ah oo kasoo baxay dhanka dowladda Feeraalka Soomaaliya iyo Maamulka Koofur galbeed ee la xiriira dagaalka ka dhacay gobolka Bakool iyo Weear Alshabaab ay la beegsadeen Gadiidka Kolonyada ah ee Ciidanka Itoobiya ee marayay inta u dhexeysa Rabdhuure iyo degmada waajid ee gobolka Bakool.
Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, oo sii wada kulamada la xisaabtanka Wasaaradaha, ayaa maanta su’aalo ku saabsan waxyaabaha u qabsoomay iyo kuwa u qorsheysan wax ka weydiiyey Wasaaradda Korontada iyo Biyaha.
Wasiirka Wasaaradda Korontada iyo Biyaha Mudane Jaamac Takhal Cabbaas, iyo masuuliyiinta kale ee wasaaradda ayaa si faah-faahsan Ra’iisul Wasaaraha ugu soo bandhigay mashaariicda kala duwan ee wasaaradda uga hirgalay ballanqaadkii Xukuumadda Dan-Qaran ee la xiriira halbeegyada Horutabinta leh adeegyada aas-aasiga ah.
Ra’iisul Wasaaraha ayaa ku boorriyey masuuliyiinta wasaaradda in mashaariicda tamarta iyo biyaha ee ay maalgeliyaan hay’adaha caalamiga ah ay noqdaan kuwo ay si toos ah uga faa’iidaystaan shacabka Soomaaliyeed, isagoo tilmaamay in Xukuumadda Dan-Qaran ay ahmiyad gaar ah siinayso in bulshadu ay helaan biyo nadiif ah iyo koronto qiimo jaban.
Ra’iisul Wasaare Xamsa Cabdi Barre ayaa ku adkeeyey masuuliyiinta wasaaradda in dhammaan deegaannada laga saaray Alshabab la gaarsiiyo adeegyada aas-aasiga ah ee dowladda, waxa uuna faray Wasaaradda in mudnaan gaar ah la siiyo ceelashii biyaha, maadama ay khawaarijtu ka burburiyeen.
Hoos ka Dhageyso: Warka Galabnimo ee Idaacada Warsan oo idin soo jeedinayso Muna Hussein.
Wararka ka imaanya magaalada Baledweyne ee xarunta gobolka Hiiraan ayaa sheegaya in dagaal ka dhacay tuulooyin ka tirsan deegaanka Baardheere oo ku yaalla duleedka Koofureed ee Magaaladaasi .
Dagaalka ayaa u dhaxeeya ciidamada dowladda iyo kuwa ee degaanka oo loo yaqaaan Maxasisley oo dhinac ah iyo Al-shabaab,.
Wararka ayaa sheegaya in dagaalka uu bilowday ka dib markii ciidamada Dawlada iyo Macawiisleyda gobolka Hiiraan ay howlgallo ka bilaabeen deegaanka Baardheere Tuulooyin ka tirsan waxana ka dhashay sida la sheegaya khasaare kala duwan.
Lama oga wali khasaaraha rasmiga ah ee ka dhashay dagaalka ka dhacay inta u dhaxeysa Baardheere iyo Beerxaano oo ku yaala Koonfurta magaalada Baledweyne.
Hase ‘ahaatee ‘ Gudoomiyhihii hore ee gobolka Hiiraan Cali Jeyte Cismaan, Xildhibaanno ka tirsan Golaha shacabka Baarlamaanka Soomaaliya ee kala ah Maxamed Cabdullahi Buraalle ‘Maxamed Cabduqaadir Maxamed iyo Taliyaha guutada 5-aad qeybta 27-aad ee ciidanka xoogga dalka Maxamuud Xasan Ibraahim Baakay ayaa hoggaaminaya ciidamada Dawlada iyo kuwa dib u xoreynta ee dagaalka ka wada degaanka Baardheere Tuulooyinka hoostga oo qiyaastii 22- kiilomitir dhinaca koofurta uga aadan Magaalada Baladweyne ee xaruntaa gobolka Hiiraan.
kulanki Golaha shacabka ee maanta oo buuq kusoo dhammaaday kadib markii ay xubnaha isku khilaafeen agendaha shirka oo guddiga joogtada uu ka dhigay inuu wasiirka amniga hor yimaado oo su’aalo la waydiiyo lkn xubno ka tirsan guddiga amniga baarlamaanka ay diideen mooshin ka keeneen arrintaas.guddoonka golaha shacabka ayaa xallin waayey is hor taaggii xubnaha golaha diidanaa wadiirka amniga.
Hay’adda cunnada Adduunka ee WFP ayaa dadka qaxootiga ah ee ku nool xeryaha Dhadhaab u sheegtay in raashinkii deeqda ahaa ee la siin jirey qaxootiga la dhimayo 20% laga billaabo bishan July.
Hay’adda oo warkaa dadka ku gaarsiisay fariimo ay ugu dirtay telephone-nada gacanta ayaa talaabadaa ku macnaysay dhaqaale yari soo wajahday hay’adda.
Hase’ahaatee raashinka la dhimay ayaa saamayayay dadka qaxootiga ah ee ku nool xeryaha Dhadhaab ee dalka Kenya , iyada oo dadka ugu sii daran ay yihiin dadka xeryaha ku cusub ee aan iyagu weli loo aqoonsan qaxootiga rasmiga ah.
Dab xooggan oo xalay ka kacay suuqa Taywaan ee magaalada Jigjiga ayaa qayb ahaan la xakameeyay in kastoo aan weli lagu guulaysan demintiisa.
Dabka oo si xawli ah uga holcaya suuqa Taywaan ayaa laga xakameeyay in uu ku faafo suuqyada iyo goobaha ganacsiga ee ku xeeran suuqa gubanaya.
Ciidanka Dab-demiska caasimadda ee Jigjiga oo kaashanaya shacabka magaaladaasi ayaa weli la tacaalaya deminta suuqaas oo ay ku baaba’day hanti fara badan.
Sidoo kale ‘waxa weli socda gurmadka ka imaanaya magaalooyinka ka baxsan Jigjiga si ay qayb uga noqdaan deminta dabka ka holcaya suuqa.
Sidoo kale wararka ayaa sheegaya in Dabka suuqa weynaha Taywan qabsaday oo weli lala tacaalayo ayaa sii fidiya, ilaa boqol meheradood oo gada badeecado kala duwan ayaa lagu soo warraayaa in ay basbeeleen, iyada oo lagana cabsi qabo in dabku ku fido xaafadaha suuqa la deriska ah.
Wararka ka imaanaya Degmadaa Afgooye ee gobolka shabeelaada Hoose ayaa sheegaya in gabi’aahanba Goobihii ganacsiga Suuqa degmada Afgooye uu saakay xiran yahay
Wararka ayaa sheegaya in Ganacsatada Suuqa degmadaa Afgooye ee gobolka shabeelada Hoose maanta ay go’aan ku gaareen in ay xeraan suuqaasi .
Goob jooge laa hadlay Eisaala ayaa sheegay in Sababta loo xiray Suuqa degmada Afgooye ayaa ah in laba qof oo sheeganaya milkiyada Suuqaasi ay is heystaan Milkiyada Suuqa Ariga degmada Afgooye islamarkaana ganacsadata ay Albaabada u laabeen Xarumaha ganacsi ee suqaas.
Sidoo kale Wararka ayaa sheegaya in ay is horfadhiyaan maleeshiyo ka socota labada dhinac taas oo keentay in Ganacsatada Degmada Afgooye ay xiraan Goobaha ganacsiga suuqaaas .
Sidoo kale ‘ Goob joogaha ayaa sheegaay in Ganacsatada Suuqa degmada Afgooye ay ka cabanayaan Afduub ku soo kordhay Suuqaa oo kooxo an la garaneyn ay Halkaas ka Dadka ka Afduubtaan ka dib lacago madax furasho ah ay qaataan si ay u sii daayaan Dadka ay Afduubtaan.
Dawlada Federaalka Soomaaliyaa iyo Maamulka Koofur galbeed ayaa laga Codsaday in ay wax ka qabtaan Xiisada ka Taagan Suuqa Ariga degmada Afooye iyo Cabshada ka soo yeereys Ganacsatada Suuqaasi.