Baydhabo-{WMN} -Guddoomiyaha Maamulka Gobolka Hiiraan Cali Jeyte Cismaan ayaa sheegay in bulshada kunool degmada Matabaan aysan aheyn kuwo is weeydiiya halka ay kujirto maslaxdooda si ay uga abxaan dhibaatada heysata.
Guddoomiyaha oo ka hadlayay munaasabad ka dhacday degmada Matabaan ayuu sheegay in dadka reer Matabaan maslaxadooda dhinaca siyaasadda, Amniga iyo Arrimaha bulshada ay kujirto la Shaqeynta Maamulka Gobolka Hiiraan ee Hir-Shabeelle.
Waxaa uu ka dalbaday Maamulka Galmudug inay faragelinta ka daayaan degmada Matabaan, isaga oo sicad u sheegay in dadka Reer Hiiraan iyo kuwa Galmudug ay yihiin kuwo Walaalo a, balse looga baahan yahay inay Arrimaha degmada Galmudug faraha kala baxdo.
Degmada Matabaan oo katirsan Gobolka Hiiraan ayaa waxaa maamul ahaan ay hoostageysay Maamulka Galmudug, hayeeshee dhawaan waxaa Maamul cusub u magacaabay Guddoomiyaha Gobolka Hiiraan Cali Jeyte Cismaan, maamulkaas oo shalay xilka la wareegay.
