Golaha Wasiirada Xukuumadda Federaalka Soomaaliya ayaa Maanta oo sabti ah waxaa la isugu yeeray kulan aan caadi aheyn, kaasi oo saacadaha soo socda lagu wado inuu ka dhaco xafiiska Ra’iisul Wasaaraha Xukuumadda Xamse Cabdi Barre.Xubnaha Golaha Wasiirada ayaa goorsii horeeysay oo xalay aheyd loo diray fariimo loogu wargelinayo in Maanta uu jiro kulan ay yeelanayaan Golaha, isla markaana looga baahan yahay inay kasoo qeyb galaan kulankaasi.Ra’iisul Wasaaraha Xukuumadda Federaalka Xamse Cabdi Barre ayaa kulanka shir guddoomin doona, waxaana looga arrinsan doonaa qodobo dhowr ah oo ku aadan xaalada dalka gaar ahaan howlgalada ka dhan ah Al-Shabaab ee socda.Wararka ayaa intaasi kusii daraya in Golaha Wasiirada ay kulankooda uga doodi doonaan arrimo kale oo la xiriira xisaab xirka miisaaniyadda dowladda Soomaaliya iyo qodobo kale oo qorsheysan.Golaha ayaa Khamiistii lasoo dhaafay kulankoodii caadiga ahaa ku yeeshay magaalada Muqdisho, kaas oo ay ku go’aamiyeen in mushaarkooda bishaan lagu taageero ciidamada Xoogga dalka Soomaaliyeed iyo kuwa deegaanka ee dagaalka kula jira Al-Shabaab.
