Waxaa maanta si rasmi ah xilkiisa ula wareegay Taliyaha Ciidamada Asluubta Bashiir Goobe oo hadda ahaa Xildhibaan horeyna usoo noqday Taliyaha Nabad suggida iyo Sirdoonak Qaranka. Madaxweynaha Jamhuriyadda Federaalka Soomaaliya, Mudane Xasan Sheekh Maxamuud ayaa ka qeybgaly dhaarinta Taliyeyaasha cusub ee Ciidammada Asluubta iyo Booliska S/Gaas Bashiir Maxamed Jaamac iyo S/Guuto Maxamed Sheekh Xasan Xaamid.
Madaxweynaha ayaa u hambalyeeyay taliyeyaasha cusub, isagoo dhanka kalena kula dardaarmey inay sii labanlaabaan hawshii wanaagsaneyd ee ay horey u qabteen taliyeyaashii ka horeeyay, la lana yimaado qorshe ammniga dalka lagu xoojinayo, isaga oo Taliyayaasha kula dardaarmay inay xil gaar ah iska saaraan adkeynta Nabadgalyada.
Munaasabadda waxaa goobjoog ka ahaa Wasiirka Cadaaladda Cabdullaahi Axmed Jaamac (Ilkajiir) ,Wasiirka Amniga Cabdirisaaq Cumar Maxamed, saraakiil ka tirsan ciidammada iyo mas’uuliyiin kale.toddobaadkii hore waxaa sidaan oo kale xilkiisa si rasmi ah ula wareegay Taliyaha Ciidamada Booliska Maxamed Xassan Xaamud.