ATHIINY MO’OSHIITHY QEYBTII 8AAD OO KI TIRSANGH QEYBTII 4AAD MAREGHDII TARASH
Hatany fiyaawaang ii nebed dhugunsathiyaal meel kastoo ising rooghdaang, sikasaty isiing niigh dhugunsethaasaangh. Jimaa feyly markaly haky dhowaathy qiibtii siyeethaad ee barnamishkii inky magadarny “ADIINY MO’OSHIITHY”, kaasoo jimaa kasty kedkung haatoow niinky barateen iny uny howathy hasiing marsiiny, dhughunsithiyaal jimaathung maybaa hor ingh watheeye ku sheekeyoowky haldoor Al-abwaan lahamiiste fanaan Mahamuud Haaje Mahamed Tarash.
Yaa yaa abwaangh tarash, walaagaasaa kabang shanqaraaw e oo ariir foolaad ingdhalathy dhowaaw kaasoo ku jhaphaaniyoowky kabanky filaansheey fanky kily jary abwaang tarash meel unku fadheethneengh.
“ATHIINY MO’OSHIITHY”.
Heesoo uur biyooyky ee jeel langh haayi ee ariity usy jeelaathy amaany fathaaw ee abwaanky qaathy maybaa ku mid ahaa heesky ly eraaw maghaashee, “FOOSKII BILAAMEED”. Taasoo ku mid e heesoo abwaanky eed i amaanaw Bilaanty.
Abwaanky wali ariity amaantiyee deersiyeeye madi athy dheghansaty meel athiiby ky galaasy kooy ingh seew abwaanky si athy haangh aragdy ariity usy intung ammaang e ku dhobi.
Heesty wali Abwaanky ki bilaaweeyi dhibaatathy fariidnimathy ii fudeedky dhibsheey ii fariidnimaithy ariity amaanty yee hang jiithy korty ehelshee ii qaraabithiyee taasoo wal liky doorsithaaw inghlahaayny.
Wali beet ky hore abwaanky ki leyaa. “FARIID II DHIBSHEEY, FUDEED II DHIBSHEEY, FARIID II AMAANTIIS, FAALY II WARSHEE FUTHEED II DHIBSHEEY, FARIID II AMMAANGHTIIS, FITHISKY MAANSITHAA AY IILY FEETHINGHNEE FARQAASHEE HYLAAPHY.”
Madi Abwaanky intaas amaanty ariity haanku weely gogol dhig yaa inguthubee tilmaanty yee ariirty lygoony ety ee yee qiirshee ky muudy ee usy jeelshee inky faruurumi.
“ATHIINY MO’OSHIITHY”.
Beetky lammaad abwaanky wali kuku hathaleeye habky ariity ingdareeraasy ii suurady ilaaheey inghdhaliisiye ee usy inky abuurty jeelky taasoo usy abwaanky ki tilmaami sithy hoghol qubuty haangh suurut korshee feerty.
Tan waliy koo biyaasy bushigii athy qabty ee haayi iny fanaaniinty arathaa yoo ingh elify korny heesoo jeelky madi athy wal jeelaty kuly bahy lahaayty maanse afkii aayoow e oo athy ka ammany korty ariity jeelky athy ingqabty si haanky jiithity. Abwaanky elifeey athy iniin dhug weeldhiny.
Dheeg heesky fooskii bilaameed walaa eray mithaang leh ee jeel miirwaay e ee qalbijheey helathaaw ee afjheey ku bahaaw Abwaan Mahamuud Haaji Mahamed Tarash ee amaang bilaameed walby ingdhiminaayny ee edkiisheey dareenky lahaayi kiinky qaathaaw.
Iloow “ATHIINY MO’OSHIITHY.”
Fardoowsithiiyaa hebed ki faaliyee, “ fidhi boghorleheetii, faanuuskii aduunkaay,firkii awliyaatheey, fadly ilaaheeyaa foolkaa bilhaangh ingnuuraawaa fardoowsaay I waali, dhaghaaq feeylahaanghtaa, fafaaysid dareenkaa farsamaanghtaa uumistaawee jeel ii faruurumeey.
Amaangh maahaa ,mise wala kiingh dhiming hooby saas ety heesky reed inky naghooy fooskii bilaameed furaaghi nololeey fardoowsaay iingh naghoo. Amaang etaa dareenkii ii dhadhamiskii aqlighy ya moqong.
Iloow. “ATHIINY MO’OSHIITHY.”
“ki ghorothee hangh haathoow amaangh my kyaalaasy ileengh afkaaby myky Ally qabty wali kyaalaasee marky athy geber athy fathaasy ereyi af may may e athy ki dowhiithy iny kiinky qaathythaany iny athy jeely.”
Wali fathaasee iny athy erty “ wanaaga iyo quruxdaan hibooy kugu jeclaadee afka iyo uurkaa ku ku taba , socod wanaageey saadirkii ku uumaa fadhi buuran ku yeelay waxaa tahay gabar socodka laafyaha rabi uu ku galadayoo qurux wey kugu dhamaatoo jaceelakaagaa I waalay iyo erayo kale adi iyo gabadha aad ku haasaawinayso si yar aad u fahmi kartaan.”
Taasny wali sheeneeye tiiThaa oo any ingly jeethy heesky Abwaankaa qaathaawbaa iny geber laky amaanaaw iny kily mad haliintoo athiiby iniin dheg reebny, hoophy athy si dhow ingdhughunsithy fedy wal ming taawsithy lahaayny athy OO garmaajhiyaasy iny ariir isdoo gorothaasaangh lahjad athy ingorothaany isky amariithy oo athy ertay. “ xindahaxaygu waheey dooniyaan aragtithaa waayi. Hamiinkii ma jhiifsathoo xiraabtii my bariighalo , athi leey dhinighee y jooghdaa”. Yee oo likii aalaaw wal athy anghrabky ku jiisaasy.
Iloow iny taas yee jarty. “ATHIINY MO’OSHIITHY”.
Dhibkise wali ku kooyeey athy waany ogaaw athy kii dhammathee, lankasty walaasheeyaa wal ku weeldhathee, wali letaa lahjad tang inky feyle oo asal ing e af-soomaal oo tang may erty ee qalagdty e asal ma’e fara’leeyo.
May taas daliil ing e walyar hooby fiiriny dhikaaly eriyathy may erty wali lahaku ming guuriyeey asalshoo Af- may may.
Dhegdy ing reeb walyar erayaalkung athy oo eed inky fiirsithaasy sithy anny ing eraaw.
Horey, hor, horaado, horaad, Bariisy, barqo, lanshoo wali inky weeraayaany maghadhow marky yee ety , bariise, asalkii eraykiny may haayeey, bariisy,bariis. S. da ya laky dary xarafky . e may asalki sya laky dari e sidaasaa may ery ki naghathy iloow “ATHIINY MO’OSHIITHY”.
Hiraab maayyu may erty aroor ya eraayaang, mady langshoo maghaaasheey naghathy may erty wali ku weelaayaany, HIRAAPHY, HATANE HAL XARAF YA SIYAATHIYAAYAANGH OO E “E” BES. ASALKI YA WALI KEDAREENY E . daky deghaaw Beledky Hargaysy may eraayaany maalinty iidy e “ manta waa ciid, marky langshoo maghaaghaas ingbiyaayaang wali eraayaany, “ IIDLE”.
HATY ISWEYDY may gee iidy ety ing eraangh “. CIID.” Maghy markii naghathoony ingh eraangh. “IIDLE.”
Waly ka jary meelaas. “ATHIINY MO’OSHIITHY”.
Ulmaathy luuqathoo walku baraty iyo asalky deeghaanathy ly deganyi dadkii inky horeeyi oo deghaayi joqoraafi ahaangh marky yoo fathaayaangh iny ogaathaangh wali rahaayaany beledkaas maghaasheey kaasoo liky ogaathaaw dadkii deghaayi, may weely maghaaghy wali ing teeghinyaa asalki meely isy ku kooyi.
Mithaaly haangh hang qaathanooy goosinkoo maghy beled e ee ki yaaly gobolathy dalky.
Afgooy, Af-mithoow- Eel-waaq, Aabud- Waaq, Kis- maanyi,