Dowlad goboleedka Puntland ayaa markale waxaa uu soo saaray qoraal uu kaga hadlayo xaalada dalka Soomalaiya iyo mowqifkooda ku aadan doorashada la filayo inay dalka ka dhacdo horaanta Sanadka 2021.
War-saxaafadeed kasoo baxay Madaxtooyada Puntland ayaa waxaa lagu sheegay in Puntland ay garawsan tahay geedi socodka dowladnimada soomaaliya ay soo martay heerar kala duwan,hayeeshee haatan ay mareyso marxalad kala gur ah oo u baahan in laga wada tashado.
Sidoo kale Puntland ayaa sheegtay in ay ka qeyb qaadatay kulan ay ku tashanayeen Guddi loo xil saaray qabashada kulan dhex-mara Dowladda Federaalka iyo Dowlad Goboleedyada,balse kulankaas uu kusoo dhamaaday natiijo la’aan.
Puntland ayaa madaxweyne Maxamed Cabdullaahi Farmaajo waxaa ay ku eedeysay in uusan weli kasoo jawaabin gogoshii ay u fidiyeen Madaxda Dowladda Federaalka iyo dowlad Goboleedyada iyo inay madaxda ka caga jiidayaan in Madaxweyne Deni uu booqasho ku tago Magaalada Muqdisho.
War-Saxaafadeedka kasoo baxay Puntland oo aad u dheer ayaa sidoo kale lagu sheegya in madaxda sare ee dowladda ay si ula kac ah u marin habaabinayaan qabsoomida doorashada,isla markaana ay wadaan khalqal amni iyo xasilooni daro.
Hoos Ka Akhriso War-Saxaafadeedka Maamulka Puntland.
