Magaalada Baraawe oo Muqdisho u jirta 220KM waxaa maanta Imtixaanka Shahaadiga Dugsiga sare ku seegayaa Arday badan oo in muddo ah sugayay in Imtixaanka helaan. Magaalada waxaa ku yaalla 7 Iskuul, 5 ka mid ah waa Hoose Dhexe halka labada kale ay yihiin Dugsi sare.
Iskuullada waxaa ka mid ah:
1: Zeinul Caabiddeen.
2: Qaasim Baraawi.
- Al-Nur primary school.
- Dayah primary school
- Al-Nureni primary school
- Salahu dini primary school
- Dr Mohamad imam primary school.
Imtixaankan oo Wasaaradda Waxabarashada Hiddaha iyo Tacliinta Sarre ay qaadayso sanadkii 6-aad oo xiriir ah marnaba Ardayda Baraawe ma helin adeegga Wasaaradda mid Federaal iyo Koonfur Galbeed, qaarkood waa ku shahaado seegeen, qaarna dood dheer kaddib aya loo tiimbareeyay tii Daladda.
Sanadkan 2020 Guddonka Waxbarashada Baraawe dadaal badan ayay u galeen in Ardaydu helaan Imtixaanka, sida uu sheegay Nuur Abuukar oo Guddoonka Waxbarashada u qaabbilsan Bulshada Baraawe, waxaa khamiistii la soo xiriiray Wasaaradda Waxabarashada KG, waxanaa lagu xujeeyay in Ardaydu tagaan Marka ama Muqdisho, waxa uu sheegay in taa aysan suura-gal ahayn maaddama aysan jirin waddo amni ah oo Ardayda la marsiin karo, diyaaradna aan la hayn.
“Baraawe iyo Marka waxay qiyaas ahan isku jiraan 120KM, amni ahaan ma ahan mid sugan, waddadii way xirantahay oo xilli roob aya lagu jiraa, Badduna way kacsantahay ayuu yiri Guddomiyaha Guddonka Waxbarashada Baraawe oo sheegay in uu ka xunyahay in isaga oo dadaal badan bixiyay haddana Ardaydii Imtixaan la’aan yihiin”.
Waxa kale uu inyaa ku daray “Hadda Ardaydii oo maanta iga sugayay Imtixankii ayan hortaaganahay, ma garanayo wax aan ku qanciyo, dadaalkii aan galay waxan islaha wad ku guulaysan, balse ma dhicin ayuu sii raaciyay”.
Dhanka kale, Waxaa lagu ballamay in diyaarad loo so dirayo Ardayda si Muqdisho ay imtixaanka ugu galaan balse maanta waa ay baaqatay diyaaraddaasi, Qaar ka mid ah Ardayda oo aan la hadlay ayaa Dowladda, gaar ahaan Wasiirka Waxbarashada Xildhibaan Cabdullahi Goodax Barre kaga dalbadeen in imtixaanka oo ay muddo sugayen aanu seegin.
W/Q: Jacfar Maxamed