Ra’iisul Wasaare ku xigeenka Xukuumadda Soomaaliya Mahdi Maxamed Guuleed ayaa daahfuray Imtixaanka dugsiyadda Sare ee dalka oo maanta ka bilaamay dhammaan gobollada dalka Marka laga reebo Somaliland iyo Puntland.
Ra’iisul Wasaare ku xigeenka dalk ayaa sheegay in uu guul u rajeynaayo ardeyda maanta Imtixaanka u fadhiisatay, islamarkaana aad loo adkeeyay Sanadkaan uusan banaanka u bixin Imtixaanka.
Imtixaanka waxaa u fadhiistay in ka badan 34 kun, waxaana lagu galaya 112 Xarumood.
Xarumaha Imtixaanka lagu galaayo ayaa waxaa la geeyay Ciidamo loogu tala galay in ay suggaan Ammaanka xarumahaasi iyo kormeerayaal loogu talo galay inay ilaaliyaan Imtixaanka,kuwaas oo qaarkood ka socda Wasaaradda Waxbarashada.Wasiirka Waxbarashada Galmudug Maxamed xaashi Dhoore ayaa magaalada Dhuusamareeb ee Xarunta Galmudug ka daah furay imtixaanka qaran fasalka 4-aad ee Dugsiga Sare sanad Dugsiyeedka 2019-2020 oo deegaanada Galmudug maanta ay ka galayaan in ka badan 2,500 “labo kun iyo shan boqol oo arday ” degaanada Galmudug.
Imtixaanka ayaa si rasmi ah maanta kaga bilaamay gobolka Banaadir, Galmudug, Hirshabeelle , Koonfur Galbeed iyo Jubbaland.
Sida ay sheegtay Wasaarada Waxbarashada Hidaha iyo Tacliinta Sarre, waxaa sanadkaan Imtixaanaadka Sanad dugsiyeedka 2019/2020 ufadhiisandoona in ka badan 70,000 oo arday Soomaaliyeed ah si xariir ah sanadkii 6-aad, iyadoo sanadkaan lagu Soo kordhiyay fasalka 8-aad (Standard8) 11/July/2020 & Dugsi sare 18-July-2020.
