Ilo wareedyo muhiim ah ayaa sheegaya in Guddoomiyaha Baarlamaanka Soomaaliya Maxamed Mursal Shiikh Cabdiraxmaan, Madaxweyne Qoorqoor oo ay wehliyaan Shan Wasiir iyo labo Wasiir kuxigeen ay bilaabeen dadaalo ay markale isugu keenayaan Madaxweyne Farmaajo iyo Ra’iisul Wasaare Rooble oo ka dhexeeya khilaaf Culus.
Xogta ayaa sheegaysa in Guddoomiye Mursal iyo Wasiirada ay markii hore ka soo tageen dhanka Madaxweyne Farmaajo, iyadoona markii dambe kulan saacado socday la yeeshay Ra’iisul Wasaaraha Xukuumadda Soomaaliya Maxamed Rooble.
Wararka qaar ayaa sheegaya in guddoomiye Mursal iyo Madaxweyne Qoorqoor ay markii dambe ku hareen Ra’iisul Wasaaraha, iyadoo Wasiirada kale kulanka isaga baxeen.
Sidoo kale Wararkii ugu dambeeyay ee laga helay kulamadii dhacay ayaa waxaa ay sheegayaan in qodobka kaliya ee la isku mari la’yahay uu yahay Madaxweyne Farmaajo oo dalbadanaya in loo daayo Agaasimaha Hay’adda Nabadsugida Soomaaliya ee uu Magacaabay, qodobkaas oo dhinaca Ra’iisul Wasaare Rooblenuu aad ugu adag yahay.
Madaxweynayaasha Galmudug iyo Koonfur Galbeed Cabdi Casiis laftagareen iyo Axmed Cabdi Kaariye ( Qoor Qoor) ayaa todobaadkii hore waxaa ay waan waan ka dhex bilaabeen Farmaajo iyo Rooble, balse wada-hadalladii ay fashilmeen.