War murtiyeed ay wadajir u soo saareen Mas’uuliyiin hore oo ay ka mid yihiin Madaxweynihii hore, Guddoomiyeyaashi hore Baarlamaanka iyo Ra’iisul Wasaarayaal hore ayay kaga soo horjeesteen in go’aankii siyaasiga ee Madaxweyne Xasan Sheekh uu la wadaagay bulshada Soomaaliyeed.Madaxdii hore iyo siyaasiyiinta ayaa waxaa ay nasiib darro ku tilmaameen in Madaxweynaha dowladda Federaalka Xasan Sheekh uu isku dayo sidii uu go’aan kalligiis ah uga gaari lahaa masiirka dalka.Sidoo kale Madaxdii hore iyo siyaasiyiinta mucaaradka ayaa waxay shacabka ku wargeliyeen in aan marnaba la aqbali doonin in dalka lagu hoggaamiyo tallo ana loo dhameyn una horseedaysa dalka iyo dadka Soomaaliyeed qalalaase iyo kala qoqobnaan.Intaas ayey kusii dareen in suurta gal aheyn in dalka uu yeesho nidaamka Madaxtooyada ee Madaxweyne, iyo Madaxweyne kuxigeen iyo labo xisbi oo kaliya, iyagoo caddeeyay in Madaxweynuhu ka baxay balanqaadkii Shirkii Decale ee 11-12 July 2023.
