Madaxweynaha Jamhuuriyadda Federaalka Soomaaliya Xasan Sheekh Maxamuud iyo wafdi uu hoggaaminayo oo maalmihii la soo dhaafay ku sugnaa dalka Mareykanka ayaa gaaray magaalada Kampala ee dalka Uganda.
Madaxweynaha ayaa dalka Uganda uga qeyb geli doona munaasabad, si rasmi ah loogu saxiixayo ka mid noqoshada Soomaaliya ee Dalladda Bulshada Bariga Afrika oo dhawaan ay ku biirtay.
Madaxweynaha Jamhuuriyadda Federaalka Soomaaliya Xasan Sheekh Maxamuud ayaa la filayaa in uu khudbad dheer ka jeediyo munaasabadda, taas oo uu uga mahad celin doono Madaxda dalalka kujira Dalladda Bulshada Bariga Afrika.
Sidoo kale Madaxweyne Xasan Sheekh ayaa inta uu ku sugan yahay dalka Uganda waxaa uu la kulmi doonaa Madaxweynaha dalkaas iyo Madaxda kae ee ka qeyb galeysa munaasabadda.