Arsenal ayaa dooneysa inay la soo wareegto Morgan Gibbs-White iyadoo Nottigham Forest ay diyaar u tahay inay iska iibiso xiddigeeda sida ay qortay Daily Star.
Forest ayaa todobaadkan laga jaray afar dhibcood ka dib markii ay ku xadgubeen sharciga dhaqaale wanaagsan Premier League, haatana tababare Nuno Espirito Santo ayaa doonaya inuu xiddigahiisa waa weyn iibiyo si uu isagu dheelitiro buuga xisaabta.
Gibbs-White oo 42 milyan ginni uga soo wareegay Wolves 2022kii ayaa wacdarro u dhigayay Nottingham Forest xilli ciyaareedkan. Waxaa la fahamsan yahay in Gunners ay ceyrsaneyso oo ay dooneyso inay la soo wareegto. Qiimaha ciyaaryahanka ayaa la sheegay inuu haatan kor u dhaafayo 50 milyan ginni.
Mikel Arteta ayaa haatan heysta ciyaartoyda ku filan laakiin tababaraha reer Spain waxaa la filayaa inay ciyaartoydiisa isku shaandheyn ku sameeyo marka uu suuqa kala iibsiga furmo xagaaga. Emile Smith-Rowe, oo boos ka waayay kooxda ayaa la filayaa inuu isaga tago waqooyiga London.
Gibbs-White oo boosas badan ka ciyaari kara ayaa loo arkaa xiddiga booskaas xuunin kara ee qeyb ka noqon kara dib u dhiska Arteta
24 jirkaan ayaa 28 kulan ciyaaray ilaa iyo haatan horyaalka Premier League, wuxuu dhaliyay seddex gool, wuxuuna caawiye ka noqday shan kale.
