Waxaa jira todobo ciyaaryahan oo kooxda koowaad ah oo ay Chelsea dooneyso inay ka takhalusto xagaagan, The Sun ayaa sidaasi qortay.
Waxay doonayaan inay si joogta ah isaga iibiyaan goolhaye Kepa Arrizabalaga iyo Romelu Lukaku oo amaah uga maqan.
Halka Raheem Sterling, Conor Gallagher, Robert Sanchez, Marc Cucurella, Trevoh Chalobah, Armando Broja iyo Thiago Silva laga yaabo inay baxaan.
Wargeyska ayaa sheegay in Chelsea ay diyaar u tahay inay wacdarro ka dhigto mar kale suuqa kala iibsiga.
Todoba ka mid ah xiddigaheeda ayaa galaya labo bilood oo ay ku badbaadsadaan mustaqbalkooda Stamford Bridge.
Waxaa la sheegay in milkiile Boehly inuu mar kale isku dayi doono inuu suuqa kala iibsiga galo si uu u xoojiyo meelaha ay kooxda ka liidato.
Waxa uu doonayaa inuu helo mashiin gooldhalin iyadoo Chelsea lala xiriirinayo xiddiga Brentford Ivan Toney.
Boehly wuxuu rajo ka qabaa in xiddigaha kooxda ku fashilmay ee Arrizabalaga iyo Romelu Lukaku inay aadaan Sacuudiga marka hishiiskooda amaahda ee Real Madrid iyo Roma uu dhamaado.
Waxaa iyagana waqtigooda kooxda uu sii dhamaanayaa xiddigaha sida Sterling, Sanchez, Cucurella, Chalobah, Brojoa iyo Silva.
