Wasiirka Waxbarashada Dowladda Koonfur Galbeed, Mohamed Xaaji Cusmaan Jiidow, ayaa shaaciyay in Natiijada Imtixaanka Fasalka 8aad, ee dhacay 26-ka bishan, la shaacin doono Maalinta Arbaco.
Shirka Horumarinta Waxbarashada — Baydhabo oo galay maalintiisa Labaad
Isla markaana, magaalada Baydhabo, oo ah xarunta ku-meelgaarka ah ee Dowladda Koonfur Galbeed Soomaaliya, ayaa maalintii labaad ka socda Shirka Horumarinta Waxbarashada Koonfur Galbeed.
Shirku wuxuu diiradda saarayaa sidii loo horumarin lahaa tayada iyo hannaanka waxbarashada ee deegaannada Koonfur Galbeed.
Shirka waxaa goob-joog ka ah Wasiirka Wasaaradda Waxbarashada, Hiddaha iyo Tacliinta Sare ee Koonfur Galbeed, Mudane Maxamed Osman Xaaji Jiidow, oo ay weheliyaan Wasiir Ku-xigeenka Wasaaradda iyo Agaasimaha Guud ee Wasaaradda.
Kulanka ayaa loo arkaa fursad muhiim ah oo lagu gorfeeyo xaaladda waxbarashada, caqabadaha jira, iyo sidii loo heli lahaa qorshayaal wax-ku-ool ah oo lagu dardargelin karo horumarinta adeegyada waxbarasho ee gobolka.
Inta shirku socdo, waxaa xoogga la saarayaa arrimahan:
Xoojinta tayada waxbarashadaKor u qaadista fursadaha waxbarasho
Tayeynta macallimiinta iyo ardayda
Dhisidda hannaan waxbarasho oo ka jawaaba baahiyaha bulshada
Waxaa la filayaa in shirku ka soo baxo talooyin iyo qorshayaal wax-ku-ool ah oo gacan ka geysanaya horumarinta waxbarashada iyo mustaqbalka jiilka soo koraya ee Koonfur Galbeed Soomaaliya.
